Angel Mendizabal: “Odola ezin da sortu laborategietan, gizakiok eman behar dugu”
Angel Mendizabalek (oiartzun, 1953) 11 urte daramatza Gipuzkoako Odol Emaileen Oiartzungo ordezkaritzaren arduradun. Emaile kopuruak behera egin duela eta, arduratuta dago. Zenbat emaile daude Oiartzunen? Gaur egun, 260 inguru. Zenbat beharko lirateke? Badago kalkulu bat esaten duena 100 pertsonatik 3k izan beharko lukeela, gutxienez, emaile. Oiartzunen kasuan, ia 10.000 pertsona izanda, gutxienez 300 izan beharko ginateke emaile. Beraz, batzuk falta dira? Bai, falta dira batzuk. Eta garrantzitsua da odola ematea. Azken urteetako joera ikusita, behera egin du emaile kopuruak, ezta? Bai, behera egin du. Nik 2000. urtean hartu nuen Oiartzungo ordezkaritzaren ardura, eta ordutik sumatzen ari naiz beherakada. Hasieran asko kezkatu nintzen, niregatik ote zen ere pentsatu nuen. Ondoren, Oarsoaldeko delegaritzetako arduradunekin biltzen joan naiz, eta gauza bera gertatzen da beste herrietan ere. Arazoa bera da, eta denak gaude kezkatuta. Zure ustez, zergatik egin du bera emaile kopuruak? Nik uste borondate falta dela gakoa. Borondate falta dugu odola emateko ere, eta geurekoiagoak gara. Baina oso garrantzitsua da odola ematea… Jendea, berez, informatuta dago, baina badirudi ez garela ohartzen odola ematearen benetako garrantziaz. Kontzientziatuta egon gaitezke, baina beti da errazagoa ondokoak ematea eta ez nik. Aitzakiak jartzen ditugu. Baina ohartu behar dugu, odola ez dela inon sortzen, ezin da artifizialki sortu [...]
Angel Mendizabalek (oiartzun, 1953) 11 urte daramatza Gipuzkoako Odol Emaileen Oiartzungo ordezkaritzaren arduradun. Emaile kopuruak behera egin duela eta, arduratuta dago.
Zenbat emaile daude Oiartzunen?
Gaur egun, 260 inguru.
Zenbat beharko lirateke?
Badago kalkulu bat esaten duena 100 pertsonatik 3k izan beharko lukeela, gutxienez, emaile. Oiartzunen kasuan, ia 10.000 pertsona izanda, gutxienez 300 izan beharko ginateke emaile.
Beraz, batzuk falta dira?
Bai, falta dira batzuk. Eta garrantzitsua da odola ematea. Azken urteetako joera ikusita, behera egin du emaile kopuruak, ezta? Bai, behera egin du. Nik 2000. urtean hartu nuen Oiartzungo ordezkaritzaren ardura, eta ordutik sumatzen ari naiz beherakada. Hasieran asko kezkatu nintzen, niregatik ote zen ere pentsatu nuen. Ondoren, Oarsoaldeko delegaritzetako arduradunekin biltzen joan naiz, eta gauza bera gertatzen da beste herrietan ere. Arazoa bera da, eta denak gaude kezkatuta.
Zure ustez, zergatik egin du bera emaile kopuruak?
Nik uste borondate falta dela gakoa. Borondate falta dugu odola emateko ere, eta geurekoiagoak gara. Baina oso garrantzitsua da odola ematea… Jendea, berez, informatuta dago, baina badirudi ez garela ohartzen odola ematearen benetako garrantziaz. Kontzientziatuta egon gaitezke, baina beti da errazagoa ondokoak ematea eta ez nik. Aitzakiak jartzen ditugu. Baina ohartu behar dugu, odola ez dela inon sortzen, ezin da artifizialki sortu laborategietan, gizakiok eman behar dugu.
Gainera, gero eta beharrezkoagoa da, ezta?
Bai, oso beharrezkoa. Gero eta urte gehiago bizi gara, eta horren ondorioz gero eta transfusio gehiago behar dira. Garai batean, adin batetik aurrera, jendea ez zuten operatu ere egiten. Gaur egun, adinean aurrera joan ahala ere, operazioak egiten dira, medikuntzan asko aurreratu da, eta operazio kopuruak gora egiteak berekin dakar odol gehiagoren beharra.
Nola animatu jendea odola ematera?
Bereziki gazteak animatzea da gakoa, batez besteko adina gora baitoa. Gogorarazi behar dugu beharrezkoa dela, ez zaigula ezer kostatzen eta geuk bakarrik eman dezakegula, ezin da sortu.
