Hilaren 20an zozkatuko dituzte Luzuriagako etxeak
Luzuriaga zenaren orubean etxebizitzak altxatzeko lanak martxan dira Antxon, eta Etxebidek dagoeneko iragarri du noiz eta non egingo duten lanen lehen fasean eraikiko dituzte etxebizitzen zozketa publikoa: hilaren 20ean, Kultur Etxean. Pasaiako hirigintza zinegotzi Lexuri Telletxeak zehaztu duenez, lanen lehen fasean babes ofizialeko 212 etxebizitza eraikiko dituzte. Horietatik 144 jabetza erregimenean zozkatuko dituzte eta 68 alokairuan. Etxeak eraikitzeko 25,3 milioi euroko inbertsioa egingo du Eusko Jaurlaritzak. Jabetza erregimenean zozketatuko dituzten 144 horietatik etxebizitza bat Azkueneko familia bati ostatu emateko gorde du udalak. Beste sei etxebizitza urritasun fisikoa duten pertsonentzako egokitutakoak izango dira. 101.200 eta 142.600 euro artean balioko dute guztiek, B.E.Za gabe, eta trastaleku eta garajea izango dute. 82 hiru logeletakoak izango dira eta 62 bi logeletakoak. 51 eta 80 metro koadro arteko azalera izango dute. Alokairuzko 68 etxebizitzek, aldiz, 38 eta 86 metro koadro arteko azalera izango dute eta 43.300 eta 89.900 euro arteko prezioa. Hiru logeletako 11, bi logeletako 35 eta logela bakarreko 22 izango dira. Alokairuzkoen artean hiru etxebizitza urritasun fisikoa duten pertsonentzako egokitutakoak izango dira. 830 aparkaleku Luzuriaga eremuko lanak, baina, ez dira operazio honekin bukatzen. Hiru urte barru, bigarren fase batean, etxe eta aparkaleku gehiago eraikiko dituzte eta guztira, 285 etxebizitza eta 830 aparkaleku berri [...]
Luzuriaga zenaren orubean etxebizitzak altxatzeko lanak martxan dira Antxon, eta Etxebidek dagoeneko iragarri du noiz eta non egingo duten lanen lehen fasean eraikiko dituzte etxebizitzen zozketa publikoa: hilaren 20ean, Kultur Etxean.
Pasaiako hirigintza zinegotzi Lexuri Telletxeak zehaztu duenez, lanen lehen fasean babes ofizialeko 212 etxebizitza eraikiko dituzte. Horietatik 144 jabetza erregimenean zozkatuko dituzte eta 68 alokairuan.
Etxeak eraikitzeko 25,3 milioi euroko inbertsioa egingo du Eusko Jaurlaritzak.
Jabetza erregimenean zozketatuko dituzten 144 horietatik etxebizitza bat Azkueneko familia bati ostatu emateko gorde du udalak. Beste sei etxebizitza urritasun fisikoa duten pertsonentzako egokitutakoak izango dira. 101.200 eta 142.600 euro artean balioko dute guztiek, B.E.Za gabe, eta trastaleku eta garajea izango dute. 82 hiru logeletakoak izango dira eta 62 bi logeletakoak. 51 eta 80 metro koadro arteko azalera izango dute.
Alokairuzko 68 etxebizitzek, aldiz, 38 eta 86 metro koadro arteko azalera izango dute eta 43.300 eta 89.900 euro arteko prezioa. Hiru logeletako 11, bi logeletako 35 eta logela bakarreko 22 izango dira. Alokairuzkoen artean hiru etxebizitza urritasun fisikoa duten pertsonentzako egokitutakoak izango dira.
830 aparkaleku
Luzuriaga eremuko lanak, baina, ez dira operazio honekin bukatzen. Hiru urte barru, bigarren fase batean, etxe eta aparkaleku gehiago eraikiko dituzte eta guztira, 285 etxebizitza eta 830 aparkaleku berri izango dira Antxo hegoaldean.
Gerora eraikiko dituztenen artean anbulatorio berria dago. Bien bitartean, eta behin-behinean Usozen kokatuko dute anbulatorioa, aurrefabrikatutako moduluetan. Lanak, baina, atzeratzen ari dira, espedientea «geldirik» dagoelako. Hala ere, modulak
Luzuriaga
prestatzen dihardutela esan zuen Amaia Agirregabiria alkateak azken udalbatzarrean.
