Lehen hiruhilekoko ikastaroak hasiko dituzte Sainduan
Saindua Gaztelekuak 2011-2012 ikasturterako ikastaro eta tailerrak antolatu ditu. Horrela,Gaztelekuak eskainiko dituen ekimenen artean; graffiti eta eskulan tailerrak, zineforuma, makilaje tailerra, Izuaren Etxea, Hip-Hop tailerra, Ping-Pong txapelketa...
Saindua Gaztelekuak 2011-2012 ikasturterako ikastaro eta tailerrak antolatu ditu. Horrela,Gaztelekuak eskainiko dituen ekimenen artean; graffiti eta eskulan tailerrak, zineforuma, makilaje tailerra, Izuaren Etxea, Hip-Hop tailerra, Ping-Pong txapelketa, sukaldaritza tailerra, basamortuko perkusio tailerra… izango dira. Ekintza guztiak doakoak izango dira.
Gainera, bi ikastaro antolatu dituzte; gitarra eta break-dance ikastaroak hain zuzen. Gitarrakoa astelehenean hasiko dute eta abenduaren 19 arte izango da, astelehenero arratsaldeko 17.00etan. Break-dancekoa aldiz, datorren asteazkenean hasiko dute eta abenduaren 7, asteazkenero arratsaldeko 18.00etan izango da. Ikastaroak 20 eurokoak dira.
Astelehenetik larunbatera irekitzen dute Gaztelekua, 17.00etatik 21.00etara. Ekintzak aurrera atera daitezen gutxieneko kopurua 6 partaidekoa izango da eta 12-29 urte bitarteko gazteei zuzenduta daude.
Arratsaldez irekita
Hortaz gain, Saindua Gaztelekuak irteerak, mahai jolasak, futbolina, ping-pong, billara, PS2, doako internet zerbitzua, gela ezberdinen erabilpen librea eta norberaren proiektuak prestatzeko eta aurrera ateratzeko aukera eskaintzen du.
