Xabier Pombo: “Agurra Lucio Hernandori”
Lehenik eta behin agurra bidali nahiko nizuke, izan ere, nik dakidala, ez nik ez eta egungo udalbatzarreko inongo beste zinegotzirik ere ez, ez dugu aukerarik izan zurekin aurrez aurre eztabaidatzeko zuk buru duzun azpiegituraren gainean. Hau epe motzean zuzenduko duzula itxaron dut, baino lerro hauek baliatu nahiko nituzke Atlantic Logistic Forumen zuk esandakoak iruzkintzeko. Ez gara nekatuko esaten azpiegitura baten handitzeak ez dakarrela berez trafikoen gorakada, trafikoak merkatuaren menpe daudelako. Denbora askoan defendatu dugun bezala, eta orain beste hainbat erakundek defendatzen duten eran, -Espainiako Sustapen Ministerioa eta Estutuko Portuak kasu- etorkizuna azpiegituren arteko elkarlana da, Bilbo eta Pasaiako portuen arteko elkarlana, alegia. Defendatu dezaket trafiko berriak erakarri behar direla, hori bai, eta zentzu horretan nire iritzi apala ematen ausartuko naiz. Ezin dut ulertu nola uzten diren alferrik galtzen Pasaiako portura iparraldeko itsasertzeko autoen edota bidaiarien trafikoak erakartzeko aukerak. Trabarik eragiten ez duten merkantziak dira horiek eta inguruan bizi diren herritarrekin bateragarriak. Behintzat zerbaitetan bat gatoz Lucio jaunarekin: “hiria-portuaren arteko harremanetan gatazka larriak daude eta portuaren jarduerak ingurumenean inpaktu handiak eragiten dituela: zarata, atmosferaren kutsadura, baita zoru eta urarena ere”. Baina inpaktu hauen gutxitzea zure ardura da, portuan lan egiten duten enpresei neurriak har ditzatela exijituz, Pasaiako udaletik zein nire alderditik [...]
Lehenik eta behin agurra bidali nahiko nizuke, izan ere, nik dakidala, ez nik ez eta egungo udalbatzarreko inongo beste zinegotzirik ere ez, ez dugu aukerarik izan zurekin aurrez aurre eztabaidatzeko zuk buru duzun azpiegituraren gainean. Hau epe motzean zuzenduko duzula itxaron dut, baino lerro hauek baliatu nahiko nituzke Atlantic Logistic Forumen zuk esandakoak iruzkintzeko.
Ez gara nekatuko esaten azpiegitura baten handitzeak ez dakarrela berez trafikoen gorakada, trafikoak merkatuaren menpe daudelako. Denbora askoan defendatu dugun bezala, eta orain beste hainbat erakundek defendatzen duten eran, -Espainiako Sustapen Ministerioa eta Estutuko Portuak kasu- etorkizuna azpiegituren arteko elkarlana da, Bilbo eta Pasaiako portuen arteko elkarlana, alegia.
Defendatu dezaket trafiko berriak erakarri behar direla, hori bai, eta zentzu horretan nire iritzi apala ematen ausartuko naiz. Ezin dut ulertu nola uzten diren alferrik galtzen Pasaiako portura iparraldeko itsasertzeko autoen edota bidaiarien trafikoak erakartzeko aukerak. Trabarik eragiten ez duten merkantziak dira horiek eta inguruan bizi diren herritarrekin bateragarriak.
Behintzat zerbaitetan bat gatoz Lucio jaunarekin: “hiria-portuaren arteko harremanetan gatazka larriak daude eta portuaren jarduerak ingurumenean inpaktu handiak eragiten dituela: zarata, atmosferaren kutsadura, baita zoru eta urarena ere”. Baina inpaktu hauen gutxitzea zure ardura da, portuan lan egiten duten enpresei neurriak har ditzatela exijituz, Pasaiako udaletik zein nire alderditik Portu Agintaritzari hainbestetan eskatu diogun bezala.
Zentzu horretan, galdera bat egin nahiko nuke: zein ingurumen neurri eskatu zaizkie portuak eman dituen kontzesio berriei? Gai hauek eta beste hainbat laster zuri helarazteko aukera izango dudalakoan, agur bat jaso ezazu “okupatutako eta zigortutako” hiriaren alde honetatik, eztabaidak baino ez gaituelako eramango portuaren eta hiriaren arteko elkarlanera, eta ez inoren onurako ez den etengabeko konfrontazioak.
