Hondarribiko eskaintza turistikoa Madrilen ikusgai
Erdi Aroko Hiri eta Hiribilduen Sareak, Madrilen eskaintza turistikoak dituen erakargarritasunak azaldu ditu. Hondarribitik, sareko presidente eta Hondarribiko alkate den Aitor Kerejeta, Txomin Sagarzazu Turismo zinegotzia eta Fernando Gonzalez Bidaso...
Erdi Aroko Hiri eta Hiribilduen Sareak, Madrilen eskaintza turistikoak dituen erakargarritasunak azaldu ditu. Hondarribitik, sareko presidente eta Hondarribiko alkate den Aitor Kerejeta, Txomin Sagarzazu Turismo zinegotzia eta Fernando Gonzalez Bidasoa Turismoko teknikariak izan ziren, asteartean Madrilen. Bertan, hamabi hiribilduz osatutako sareko arduradunek eskaintza turistikoak azaldu zituzten, eta era berean azaroaren 5 eta 6an burutuko duten Erdi Aroko Nazioarteko Pintxo eta Taparen laugarren txapelketa aurkeztu zuten. Aitor Kerejetak, Hondarribiko alkateak azaldu zuenez, “gure ondarea ezagutarazi behar dugu, turismoa diru sarrera garrantzitsua da, eta krisi egoera honetan egindako inbertsio egokiek beti ekarriko digute onura”.
Erdi Aroko herriak babestuz
Sarearen xedea Erdi Aro arrastoak dituzten herri hauek sustatzea eta hedatzea da: Almazan, Consuegra, Coria, Lizarra, Hondarribia, Laguardia, Olivenza, Pedraza, Siguenza, Sos del Rey Católico, Marvão eta Vila Viçosa.
