‘Hondarretako ipuinak’ helduentzako kontaketa, Xenpelarren
Kulturartekotasuna eta liburutegia lotuz, kanpaina berria jarri du martxan udal liburutegiak, eta bertan munduko hainbat paisaiei buruzko ipuinak kontatzen ariko dira. Urrian, esaterako, paisaia arabiarrei egingo diete txokoa Xenpelar Etxeko aretoan. D...
Kulturartekotasuna eta liburutegia lotuz, kanpaina berria jarri du martxan udal liburutegiak, eta bertan munduko hainbat paisaiei buruzko ipuinak kontatzen ariko dira. Urrian, esaterako, paisaia arabiarrei egingo diete txokoa Xenpelar Etxeko aretoan.
Datorren hilaren 27 eta 28an Mohammed M. Hammu ipuin kontalari bereberea ariko da Hondarretako ipuinak kontatzen. Hain zuzen, kontaketa saioa helduei zuzenduta egongo da, eta gazteleraz egingo dute. Arratsaldean izango da ekimena, 19:00etatik aurrera.
Udal liburutegitik herritar guztiak animatu dituzte arabiar paisaiak ezagutzera.
Mohammend M. Hammu bereberea da, baina ezin du bere hizkuntzan idatzi: talde memorian bakarrik gordetzen da hizkuntza eta kultura hori. Hammuren arabera, lan horretan ari direnak batik bat emakume berebereak dira. Horiei esker, ipuinak, kondairak eta elezaharrak mendeetan zehar euren ondare bihurtu dira.
