San Juan plazako aparkalekua bisitatzeko aukera izango da larunbatean
Eguberrirako amaituko dute obrarik esperatuena, San Juan Harria plazako lur azpiko aparkalekukoa. Gabonetarako prest egongo da, azken ukituak besterik ez dira falta, baina dagoeneko trasteak jaso dituzte eta hautsa kendu dute. Bisitatzeko moduan jarri ...
Eguberrirako amaituko dute obrarik esperatuena, San Juan Harria plazako lur azpiko aparkalekukoa. Gabonetarako prest egongo da, azken ukituak besterik ez dira falta, baina dagoeneko trasteak jaso dituzte eta hautsa kendu dute. Bisitatzeko moduan jarri dute, eta horixe bera da hilaren 26an, egingo dutena: bisitatu. Ate irekietako jardunaldia antolatu dute heldu den larunbat goizerako. Ostiralean aurkeztu zuten ekimena, Cristina Laborda Bide Publikoko eta Obretako ordezkaria eta Juanjo Jaunarena Irunvi- Etxebizitzarako Sozietate Publikoaren gerentea bertan zirela.
Ordezkariak larunbatean zer erakutsiko duten azaldu zuen: “Batez ere bi solairuak, bigarrena eta hirugarrena, ezagutzera emateko helburua duten bisitak dira; solairu horiek dira, hurrenez hurren, txandakako eta jabetzako aparkalekurako ezarri direnak, eta ateak abenduaren bigarren hamabostaldian zabalduko dituztenak”.
Larunbatean egingo diren bisita gidatuetan parte hartzeko interesdunek izena eman behar dute Irunvin, 943 50 57 20 telefono zenbakira deituz; atzotik egin daiteke. Udaletik aurreikusi dute lehen bisitaldia 09:30ean izango dela, eta azkena 13:30ean.
