“Ekimen falta” leporatu dio beste behin PSE-EEk Gobernu Taldeari
Oposizioarekiko “erabateko begirune falta” eta kudeaketarik eza. Biak egotzi dizkio PSE-EEk Pasaiako gobernu taldeari. Salatu dutenez “utzikeria” maila onartezina izatetik gertu dago. Amaia Agirregabiria alkateari oposizioaren k...
Oposizioarekiko “erabateko begirune falta” eta kudeaketarik eza. Biak egotzi dizkio PSE-EEk Pasaiako gobernu taldeari. Salatu dutenez “utzikeria” maila onartezina izatetik gertu dago. Amaia Agirregabiria alkateari oposizioaren kritikak ezkutatzea leporatu diote. Diotenez, udalbatzarrean gobernu taldearen kontrolerako egin ohi diren galderak batzordeetan egin daitezela da alkatearen asmoz, PSE-EEen iritziz, “gaien gainean duen ezjakintasuna hain nabarmena izan ez dadin”.
PSE-EEren iritziz, Gobernu Taldeak ez du legalitatea errespetatzen, eta udalaren kudeaketaren gaineko erabateko ezjakintasuna du. Diotenez, “aztertzen ari gara” da Gobernu Taldearen erantzun gustukoena. “Azterketa garaia baino, kudeaketaren tenorea da, denborak pasaitarren kontra jokatzen baitu”, salatu dute sozialistek.
Udalbatzarrean eta kirol batzordean, Arronkandietako aterpea eta kirol instalakuntzen gaineko beren galderak erantzun ez zituztelako kexu agertu da PSE-EE: “PSE-EEk bere lana egiten jarraituko du, eta gobernuari galdetuko dio udalbatzarrean eta batzordeetan. Erantzunak itxaron ditugu, eta hala ez izatekotan arduragabekeria, ezjakintasuna, edota bietatik dezente badela pentsatuko dugu”.
