‘Mineritos’ ikus-entzunezkoa, kulturgunean
Gaur arratsaldean Boliviako haur meatzariak nola bizi diren ikusi eta ezagutzeko aukera izango da Errenteria Hiria Kulturgunean. 19:00etatik aurrera Mineritos Ander Izagirre eta Daniel Burgiren ikus-entzunezkoa aurkeztuko dute, eta sarrera doakoa da. H...
Gaur arratsaldean Boliviako haur meatzariak nola bizi diren ikusi eta ezagutzeko aukera izango da Errenteria Hiria Kulturgunean. 19:00etatik aurrera Mineritos Ander Izagirre eta Daniel Burgiren ikus-entzunezkoa aurkeztuko dute, eta sarrera doakoa da.
Haur horiek esklaboak bezala lan egiten dute Boliviako meatzeetan. Arratsaldeko zortzietan, meatzariek euren lan eguna amaitutakoan hasten da haurren txanda, Abigail Canavirirena, esaterako. 14 urteko neskatila da, eta kaskoa, lanpara eta botak jantzita urez erdi beteta dagoen zulo batetik sartzen da. Potosiko Cerro Ricoren barruan 1.500 metro egiten ditu, meatzearen hondora iritsi arte. Canaviriz gain, beste haur meatzarien kasuak ikusi ahal izango dira, meatzarien adierazpenekin batera. Gero, solasaldia izango da.
