Pasaiako hirigintzaren garapena azaltzen duen liburua aurkeztuko dute gaur
Pasaiako historia biltzen duen Sorginarri bildumaren barruko VII. liburua da, David Zapirainek eta Iago Irixoak idatzia. Aurkezpena 19:00etan da, Trintxerpeko Alkateordetzan. David Zapirainen eta Iago Irixoaren uzta oparoak eman du berriro ere fruitua....
Pasaiako historia biltzen duen Sorginarri bildumaren barruko VII. liburua da, David Zapirainek eta Iago Irixoak idatzia. Aurkezpena 19:00etan da, Trintxerpeko Alkateordetzan.
David Zapirainen eta Iago Irixoaren uzta oparoak eman du berriro ere fruitua. Oraingoan Pasaiako udalerriaren hirigintza garapenari erreparatu diote herriko bi historialariak, udal artxiboan jasota zeuden planoei “merezitako lekua” emanez. Egileen iritziz, aipatu planoak oso baliagarriak dira Pasaia ” etorkizunik gabeko arrantzaleen herrixka bat izatetik hiri txiki industrial bat izatera nola pasatu den ulertu ahal izateko”. Hemeretzigarren mendearen bukaeratik hona badiak izandako aldaketa sakona irudiz hornitzeko erabili dituzte planoak.
Egileek argitu dutenez, hiri-garapenera mugatu dira oraingoz, “bilakaera aztertuz eta herrian kokatutako lantegiek, etxebizitzek, eraikinek eta giza-taldeak gizarte berri baten sorreran izandako garrantzia nabarmenduz”.
Gaurko aurkezpenera biltzen direnek liburua jasoko dute opari.
