Elurra bai, baina oraingoz arazorik ez
Elurra ari du Oarso Bidasoan, baina ez asko. Horregatik, herritarrek ez dute aparteko arazorik izan goizean zehar euren zereginak egiteko edo lantokietara joateko. Errepideetan ere ez da momentuz arazorik izan; hori bai, Herrizaingo Sailak jakinarazi du ahal dela autorik ez hartzeko.
Bestalde, OARSO BIDASOKO HITZA-k elurra egin duen zonaldeetako argazkiak nahi ditu, webgunean publikatzeko. Beraz, argazkiak badituzue, bidali honako posta elektronikora: oarsobidasoa@hitza.info. Argazki horiekin guztiekin argazkien galeria egingo dugu.