Memoria historikoaren alde egindako lana bildu, eta ikusgai jarri dute
Bazen Behin, memoriaren berreskuratze kolektiboa bakearen kulturarako programaren hamargarren urteurrena ospatzen ari dira Irungo Udala eta Hezizerb elkartea. Hori dela eta, Fernando San Martin Hezkuntza eta Gazteria ordezkariak, eta Jon Etxeberria eta Iker Alustiza Hezizerb elkarteko ordezkariak programa horren atzerabegirako Bazen behin: 10 urte memoria egiten erakusketa inauguratu dute aste honetan, Amaia KZn. Memoria historikoa berreskuratzea izan da proiektu honen helburu nagusia, «ideologiak edozein direla ere, pertsona guztien tolerantzia eta errespetu jarrerak sustatze aldera». Hala, Lugares para la memoria (Oroitzapenerako lekuak) izenburuko liburuarekin bat egiten du erakusketak. Liburua 2007an argitaratu zen, ordura arteko ikasleek jasotako ehunka testigantzei esker. Hamarkada oso bat lanean Hamarkada honetan egindako lanen artean daude, besteak beste, Lehen Hezkuntzako ikasleek adinduen testigantza historikoak biltzen egindako lana, eta Batxilergoko ikasleek Gurseko (Okzitania) kontzentrazio eremuaren inguruan egindakoa. Topaketa horien emaitza zuzena izan da ikastetxeetako 1.300 ikaslek egindako gogoetak. Historiako liburuek kontatzen dutenari aurpegiak jarri dizkiote ikasleek, eta ahotik ahora helarazitako oroitzapen horiek dira jarri duten erakusketaren ardatz nagusia. Erakusketaren hiru guneak Erakusketa hiru gunek osatzen dute: 10 urte gunea, produkzioen gunea, eta Oroitzapen gunea. Lehen eremuan, hamar urte horietan testigantza eman duten pertsona nagusien eta parte hartu duten ikasleen argazkiak ikus daitezke. Bigarren zatian, ikasleen produkzioak ikusi ahal izango [...]
Bazen Behin, memoriaren berreskuratze kolektiboa bakearen kulturarako programaren hamargarren urteurrena ospatzen ari dira Irungo Udala eta Hezizerb elkartea. Hori dela eta, Fernando San Martin Hezkuntza eta Gazteria ordezkariak, eta Jon Etxeberria eta Iker Alustiza Hezizerb elkarteko ordezkariak programa horren atzerabegirako Bazen behin: 10 urte memoria egiten erakusketa inauguratu dute aste honetan, Amaia KZn.
Memoria historikoa berreskuratzea izan da proiektu honen helburu nagusia, «ideologiak edozein direla ere, pertsona guztien tolerantzia eta errespetu jarrerak sustatze aldera». Hala, Lugares para la memoria (Oroitzapenerako lekuak) izenburuko liburuarekin bat egiten du erakusketak. Liburua 2007an argitaratu zen, ordura arteko ikasleek jasotako ehunka testigantzei esker.
Hamarkada oso bat lanean
Hamarkada honetan egindako lanen artean daude, besteak beste, Lehen Hezkuntzako ikasleek adinduen testigantza historikoak biltzen egindako lana, eta Batxilergoko ikasleek Gurseko (Okzitania) kontzentrazio eremuaren inguruan egindakoa.
Topaketa horien emaitza zuzena izan da ikastetxeetako 1.300 ikaslek egindako gogoetak. Historiako liburuek kontatzen dutenari aurpegiak jarri dizkiote ikasleek, eta ahotik ahora helarazitako oroitzapen horiek dira jarri duten erakusketaren ardatz nagusia.
Erakusketaren hiru guneak
Erakusketa hiru gunek osatzen dute: 10 urte gunea, produkzioen gunea, eta Oroitzapen gunea. Lehen eremuan, hamar urte horietan testigantza eman duten pertsona nagusien eta parte hartu duten ikasleen argazkiak ikus daitezke.
Bigarren zatian, ikasleen produkzioak ikusi ahal izango dira (ipuinak, gutunak…), eta programaren webgunerako sarbidea ere ikusgai izango da. Eta amaitzeko, hirugarren gunean testigantza grabatuak egongo dira. Era berean, hiru ikus-entzuneko emango dira bertan, lehena Hezizerbek garatutako programaren ingurukoa; bigarrena, Gurseko kontzentrazio eremuarena, eta azkena, 1912ko Iruni buruzkoa.
Erakusketa Amaia KZko dantza aretoan jarri dute, otsailaren 10era arte.
