Aldundiarekin bilduko da ogasun delegatua, gaur
Miguel Angel Paez Irungo Udaleko Ekonomiaren Garapenerako eta Ogasun delegatua Martin Garitano Gipuzkoako Ahaldun Nagusiak deitutako bileran izango da gaur, Donostian. Aldundiak herrialdeko udal guztiak deitu ditu bilerara, Foru Finantzaketa Funtsa azt...
Miguel Angel Paez Irungo Udaleko Ekonomiaren Garapenerako eta Ogasun delegatua Martin Garitano Gipuzkoako Ahaldun Nagusiak deitutako bileran izango da gaur, Donostian. Aldundiak herrialdeko udal guztiak deitu ditu bilerara, Foru Finantzaketa Funtsa aztertzetzeko.
Tokiko gobernuak esan duenez, “azken informazioen arabera, udalak 4.500.000 euro itzuli beharko ditu, 2011ko Finantzaketa Funtsaren aportazioarengatik”.
Ogasun ordezkariak proposamen argi bat helaraziko dio ahaldun nagusiari: “2011. urtetik eskatzen zaigun kopuruaren %50a 2012. urteko bigarren sei hilabeteetan itzultzea proposatuko dugu, eta gainontzekoa 2009ko itzulpena bukatu arte atzeratu”. Hau da, 2014tik aurrera itzultzea, hain zuzen. Izan ere, itzuli beharreko kopurua “ezustekoa” dela dio udalak, eta gogora ekarri du 2009. urteko aportazioa egiten ari dela oraindik.
