Puntu lilak jartzen hasiko dira dendetan
Berdintasun Kontseiluak jakinarazi duenez, laster puntu beltzak jartzen hasiko dira denda, jatetxe, ile-apaindegi, taberna eta herriko komertzio guztietan. Dagoeneko bidali dituzte eskutitzak, eta datorren astean hasiko dira jasotzen komertzioak. Puntu...
Berdintasun Kontseiluak jakinarazi duenez, laster puntu beltzak jartzen hasiko dira denda, jatetxe, ile-apaindegi, taberna eta herriko komertzio guztietan. Dagoeneko bidali dituzte eskutitzak, eta datorren astean hasiko dira jasotzen komertzioak. Puntu lila horien bidez, emakumeenganako indarkeria ez dutela onartzen adieraziko dute dendek.
“Emakumeenganako harreman oldarkor eta bortitz hauekin amaitzeko ezinbestekoa da herriak indarkeria hori salatzea eta konpromisoa eskaintzea aurrerantzean horrelako indarkeriarik eman ez dadin”, azaldu du Berdintasun Kontseiluak.
Hori guztia, ustez bere bikotekideak hil zuen Clara Rangel Romeroren auziaren epaiketaren harira egin dute. 2008an hil zuten, eta datozen asteetan hasiko da epaiketa. Ildo horretatik, Garazi Lopez Etxezarreta Berdintasun zinegotziak jakinarazi du udala akusazio partikular gisa aurkeztea aztertzen ari direla.
