Ihoteen ondoren, inauteriak ospatuko dituzte Elizalden, Haurtzaron eta tabernetan
Ikastetxeetako haurrak etzi aterako dira kalera; asteburuan plaza inguruko tabernak girotuko dituzte Ihoteak pasatu berritan, inauteriak datoz. Haurtzaro Ikastolan eta Elizalde Herri Eskolan etzi ospatuko dituzte. Plaza inguruko tabernek ere ospatuko dituzte, eta mozorrotu egingo dira asteburuan. Etzi, urteroko Inaute festa ospatuko dute ikastolan. Haurtzaroko ikasle, langile eta gurasoek kolorez, musikaz eta dantzaz jantziko dute ikastolaren ingurua. Goizean, 10:30ean aterako dira ikastolatik, urteroko desfilea egiteko. Ondoren, ikastolako jolasleku nagusian bukatuko dute goizeko saioa: mozorroak, desfileak, dantzak, torradak… Arratsaldez, 14:45ean hasiko dute ekitaldi nagusia, ikastolako anfiteatroan (eguraldi ona eginez gero, bestela kiroldegian egingo dute). Aurkezleen hitzari musika, dantza eta ironia fina erantsiko dizkiote ikasleek, horrela, jaialdia ikusleentzat atseginagoa izan dadin. Hasteko, ikastolan hain ezaguna duten Inauteri! Inauteri! izeneko bertsoak kantatuko dituzte. Jarraian, Haur Hezkuntzako ikasle eta irakasleak izango dira protagonista, eta 3, 4, eta 5 urteko haurrak, beren dantzekin. Horiek zein ondotik saioa egingo duen talde bakoitzak bost minutuko saioak eskainiko du. Ondoren, 2 urteko haur ttiki-ttikiak izango dituzte dantzatokian saltoka, irakasle eta gurasoen laguntzarekin. Euskal inauteriak Lehen Hezkuntzako ikasleek zikloka aurkeztuko dute beren ikuskizuna. Eta bi etapen arteko lotura egiteko, gurasoak izango dira ikastolako plazaren erdian, beren sorpresa aurkezteko prest. Amaitzeko, ikastolako zaharrenak izango dira beren ikuskizuna aurkeztuko dutenak. DBHko lehenengo [...]
Ikastetxeetako haurrak etzi aterako dira kalera; asteburuan plaza inguruko tabernak girotuko dituzte
Ihoteak pasatu berritan, inauteriak datoz. Haurtzaro Ikastolan eta Elizalde Herri Eskolan etzi ospatuko dituzte. Plaza inguruko tabernek ere ospatuko dituzte, eta mozorrotu egingo dira asteburuan.
Etzi, urteroko Inaute festa ospatuko dute ikastolan. Haurtzaroko ikasle, langile eta gurasoek kolorez, musikaz eta dantzaz jantziko dute ikastolaren ingurua.
Goizean, 10:30ean aterako dira ikastolatik, urteroko desfilea egiteko. Ondoren, ikastolako jolasleku nagusian bukatuko dute goizeko saioa: mozorroak, desfileak, dantzak, torradak…
Arratsaldez, 14:45ean hasiko dute ekitaldi nagusia, ikastolako anfiteatroan (eguraldi ona eginez gero, bestela kiroldegian egingo dute). Aurkezleen hitzari musika, dantza eta ironia fina erantsiko dizkiote ikasleek, horrela, jaialdia ikusleentzat atseginagoa izan dadin.
Hasteko, ikastolan hain ezaguna duten Inauteri! Inauteri! izeneko bertsoak kantatuko dituzte. Jarraian, Haur Hezkuntzako ikasle eta irakasleak izango dira protagonista, eta 3, 4, eta 5 urteko haurrak, beren dantzekin. Horiek zein ondotik saioa egingo duen talde bakoitzak bost minutuko saioak eskainiko du. Ondoren, 2 urteko haur ttiki-ttikiak izango dituzte dantzatokian saltoka, irakasle eta gurasoen laguntzarekin.
Euskal inauteriak
Lehen Hezkuntzako ikasleek zikloka aurkeztuko dute beren ikuskizuna. Eta bi etapen arteko lotura egiteko, gurasoak izango dira ikastolako plazaren erdian, beren sorpresa aurkezteko prest.
Amaitzeko, ikastolako zaharrenak izango dira beren ikuskizuna aurkeztuko dutenak. DBHko lehenengo hiru mailek elkarrekin aurkeztuko dute euskal inauterei buruzko emanaldia. Eta jarraian, 4. mailakoek emango diote bukaera aurtengo inauterietako festari. Ohikoa denez, aurten hamasei urte bete edo beteko dituzten ikasleek agur kutsuko ikuskizunen bat eskainiko dute. Guraso eta inauterizale guztiak gonbidaturik daude ikastolako inauterietara.
Elizalden, tailerrak
Bihar hasiko dira inauterien ospakizunekin Elizalde ikastetxean. Zehatzago esateko, ez da bere horretan ospakizuna edo jaia izango, prestatzea baizik. Inauteri tailerrak egingo dituzte bihar arratsaldean. Adin ezberdinetako ikasleak taldetan elkartuko dituzte, eta euren eskura izango dituzte margoak, espraiak, gominak… Bururatzen zaiena egiteko aukera izango dute. Nolabait esatearren, sormen tailerra egingo dute inauteriei begira.
Iazko tailerrak
Haurtzarokoek bezala, etzi izango dute egun handia. 10:30ean, eskolatik atera, eta desfilea egingo dute Elizaldeko kaleetan barrena. Desfilea bukatu ondoren, 11:00ak aldera, Madalensoro pilotalekuan elkartuko dira ikasle, irakasle eta gurasoak. Orduan eskainiko dute ikasleek inauterietarako prestatutako saioa.
Aurten, aldaketa izango dute aurreko urteekin alderatuta: arratsaldean ez dute saiorik egingo, goizean egingo dute ekitaldi nagusia. Arratsaldean, ikasleak eskolara joango dira, baina gelan egingo dute ospakizun txikiagoa tutoreekin.
Tabernak, mozorrotuta
Inauterietan, Doneztebe plaza inguruko tabernak ere animatzen dira mozorrotzera. Azken urteetan ia denetarik ikusi ahal izan da: ospitalea, itsasontzia… Eta aurten ere hainbat tabernarik iragarri dute mozorroa prest daukatela. Hala ere, ez dute sorpresa zapuztu nahi izan, eta ez dute pista txikirik ere aurreratu. Hala, herritarrei deia egin diete mozorrotu eta festa giroan parte hartzeko.
