Grebaren harira, batzarra deitu du ezker abertzaleak
Astelehenean izango da, 19:30ean, udaletxeko areto nagusian; batzar irekia dela nabarmendu dute Martxoaren 29rako deitutako greba orokorra dela eta, Oiartzungo ezker abertzaleak herri batzarra egiteko asmoa dauka. «Grebaren inguruko arrazoiez informat...
Astelehenean izango da, 19:30ean, udaletxeko areto nagusian; batzar irekia dela nabarmendu dute
Martxoaren 29rako deitutako greba orokorra dela eta, Oiartzungo ezker abertzaleak herri batzarra egiteko asmoa dauka.
«Grebaren inguruko arrazoiez informatu eta egunaren prestaketa dinamizatzeko» izango da bilera, ezker abertzaleko kideek jakinarazi dutenez.
Herri batzarra astelehenerako deitu dute, 19:30ean, udaletxeko areto nagusian. Herritar guztiei agertzeko deia egin diete, eta grebarekin bat egiteko.
ELA, LAB, EILAS, EHNE eta ESK-k martxoaren 29rako greba orokorra deitua dute Hego Euskal Herrian, Espainiako Gobernuaren lan erreformaren aurka egiteko asmoz.
Hiruk eta LSBk atxikimendua agertu diote. Bestalde, CNTk esan du hedabideetatik jakin zuela deialdi horren berri, eta azaldu du sindikatuen arteko ekintza batasunik ez dagoela. Hala ere, CNTk ere greba orokorra egitera deitu du.
CCOO eta UGT
Damaso Casado Euskadiko UGTko idazkari nagusiak lehengo astean zioen bere sindikatuak ere grebara deituko duela Espainiako Estaturako —CCOO sindikatuarekin deituko luke—, baina aste honetan jakingo direla xehetasunak (gaur ziur aski).
