Emakume bat atxilotu dute liskar baten ostean
Ertzainek 38 urteko emakume bat atxilotu zuten atzo goizaldean. Herriko etxebizitza batean izandako liskar batera joanak ziren ertzainak, eta Herrizaingo Sailaren arabera, gizon bat ikusi zuten hainbat harramazkekin eta alkandora puskatuarekin. Gizonar...
Ertzainek 38 urteko emakume bat atxilotu zuten atzo goizaldean. Herriko etxebizitza batean izandako liskar batera joanak ziren ertzainak, eta Herrizaingo Sailaren arabera, gizon bat ikusi zuten hainbat harramazkekin eta alkandora puskatuarekin. Gizonarekin batera, emakume bat zegoen hari mehatxuka, eta poliziek atxilotu egin zuten.
Beste bi gizon ere atxilotu zituzten igande gauean, ertzainei ustez kontra egiteagatik. 22:00ak aldera joan ziren ertzainak eta udaltzainak Nafarroa etorbideko taberna batera, eta han bi gizon aurkitu zituzten ustez mozkortuta. Horietako batek ume txiki bat zeukan besoetan, eta umearen segurtasuna arriskuan zegoela iritzita, kendu egin zioten poliziek. 40 urteko gizonak, ordea, “ertzainei erasotu” ziela esan du Herrizaingo Sailak, eta horregatik atxilotu zutela. 43 urteko laguna ere atxilotu egin zuten ustez ertzainei kontra egiteagatik. Urtebete inguruko umea Gipuzkoako Gizarte Zerbitzuetara eraman zuten.
