Sagardotegira mendiz joateko aukera, Basarirekin
Ereñozuraino oinez joan eta hango Larregain sagardotegian bazkalduko dute izena ematen dutenek Urtero legez, Antxoko Basari elkarteak sagardotegira mendiz joateko irteera antolatu du. Larunbatean da irteera (hilaren 21ean), eta bazkaria Ereñozuko Lar...
Ereñozuraino oinez joan eta hango Larregain sagardotegian bazkalduko dute izena ematen dutenek
Urtero legez, Antxoko Basari elkarteak sagardotegira mendiz joateko irteera antolatu du. Larunbatean da irteera (hilaren 21ean), eta bazkaria Ereñozuko Larregain sagardotegian izango da.
Izena ematen dutenak 09:00etan abiatuko dira Gure Zumarditik, eta Lau Haizetatik San Markora, eta handik Astigarragako Bentetara joko dute. Listorretan egingo dute hamaiketakorako geldialdia, eta ondoren, Aitzbitartera joko dute, handik Akolara joan, eta azkenik Larregainera iristeko.
Izena emateko
Txartelak salgai daude jada, 35 euroren truke, Mimos, Kamio, Izadi, Leunda eta Kurlinka tabernetan.
Etzira arte dago erosteko aukera. Ordaintzeko unean, joango diren lagunen izen-abizenak zehazteko eskatu dute antolatzaileek, tabernetan horretarako propio utzi dituzten izena emateko orrietan.
