Bravok ez ditu “inolaz ere” onartu Irungo Ogasunaren auzian egozten zaizkion delituak
Irungo Ogasuneko ustezko iruzurraren inguruko epaiketak jarraipena du gaur Donostiako Lurralde Auzitegian, auzitegiko presidente Iñaki Subijana buru duen epaimahaiak Jose Maria Bravo Irungo bulegoko zuzendari ohiaren defentsak epaiketa bertan behera ...
Irungo Ogasuneko ustezko iruzurraren inguruko epaiketak jarraipena du gaur Donostiako Lurralde Auzitegian, auzitegiko presidente Iñaki Subijana buru duen epaimahaiak Jose Maria Bravo Irungo bulegoko zuzendari ohiaren defentsak epaiketa bertan behera uzteko eskaria baztertu ondoren.
Bravok gaurko saioan esan du ez dituela “inondik ere” onartzen egozten zaizkion delituak; besteak beste, funts publikoak bidegabeki erabiltzea, dokumentuak faltsutzea eta dirua zuritzea leporatzen diote, baita beste bi auzipetuei ere: Rosa Cobos haren emazteari eta Javier Atristain Bravoren kideari.
Astelehenean egin zuen eskaera Bravoren defentsak, prozesuan hainbat prozedura akats izan direla argudiatuta.
Akusazioen arabera, Jose Maria Bravo da Ogasunean egindako 8 milioi euroko iruzurraren erantzule nagusia. Ikerketaren arabera, ia bi milioi euro bideratu zituen bere poltsikora, eta Cobos eta Atristainen laguntzarekin zuritu zuen diru hori.
