TAOko langileak hartzeko lehiaketa egingo du Hondarribiko Udalak
Iazko irailetik ez dago TAOko langilerik hirian. Portuan eta Alde Zaharrean urte osorako kontrola jarri zutenetik, Udaltzaingoa da hori egiteko ardura duena. «Udaltzain gehiago kontratatu ditugu, adibidez, Portuko obran koordinaketa lanak egiteko», azaldu du Juan Maria Altunak, Zerbitzuetako zinegotziak. Hala, «udaltzainak Bentan berriz ere isunak jartzen» hasi direla esan du Bilduk. Udaltzaingoak TAOko langileak hartzen ditu Aste Santutik irailera arte, baina aurten uda sasoirako soilik hartuko ditu. «Lehiaketa egiteko asmoa dugu. Ekainetik abuztua bukaera arte lan egingo dute. Hala ere, zain gaude Jaurlaritzatik zer esango diguten, jakin behar baitugu zein gune kontrolatuko dituen Jaurlaritzak, eta zein udalak», adierazi du Altunak. Radar finkoak Iragan astean, bizilagunen kexak jaso ondoren, radar finkoak jarri zituen udalak autoek abiadura handia hartzen duten tokietan: Labrederren, Txiplaun eta Amuten. «Datorren astean, CEMetik (Espainiako Meteorologia Zentroa) etorriko dira homologazioa ematera, eta gero hasiko dira martxan. Asmoa abiadurak jaistea, arauak errespetatea eta segurtasuna hobetzea da», argitu du Zerbitzuetako zinegotziak. Zirkulazio aldaketak Hondarribiko auzoetan egiten ari diren lanek, zirkulazio aldaketak eragin dituzte hiriko hainbat puntutan. Horien gaineko balorazioa egin du udalak Hitza-k hala eskatuta: «Oro har, herritarrek ondo hartu dituzte aldaketak. Etxean bertan aparkatzeko edo bertara hurbiltzeko ohitura duenak beti ditu kexak zirkularioan aldaketak egiten direnean, eta hori ezin [...]
Iazko irailetik ez dago TAOko langilerik hirian. Portuan eta Alde Zaharrean urte osorako kontrola jarri zutenetik, Udaltzaingoa da hori egiteko ardura duena. «Udaltzain gehiago kontratatu ditugu, adibidez, Portuko obran koordinaketa lanak egiteko», azaldu du Juan Maria Altunak, Zerbitzuetako zinegotziak. Hala, «udaltzainak Bentan berriz ere isunak jartzen» hasi direla esan du Bilduk.
Udaltzaingoak TAOko langileak hartzen ditu Aste Santutik irailera arte, baina aurten uda sasoirako soilik hartuko ditu. «Lehiaketa egiteko asmoa dugu. Ekainetik abuztua bukaera arte lan egingo dute. Hala ere, zain gaude Jaurlaritzatik zer esango diguten, jakin behar baitugu zein gune kontrolatuko dituen Jaurlaritzak, eta zein udalak», adierazi du Altunak.
Radar finkoak
Iragan astean, bizilagunen kexak jaso ondoren, radar finkoak jarri zituen udalak autoek abiadura handia hartzen duten tokietan: Labrederren, Txiplaun eta Amuten. «Datorren astean, CEMetik (Espainiako Meteorologia Zentroa) etorriko dira homologazioa ematera, eta gero hasiko dira martxan. Asmoa abiadurak jaistea, arauak errespetatea eta segurtasuna hobetzea da», argitu du Zerbitzuetako zinegotziak.
Zirkulazio aldaketak
Hondarribiko auzoetan egiten ari diren lanek, zirkulazio aldaketak eragin dituzte hiriko hainbat puntutan. Horien gaineko balorazioa egin du udalak Hitza-k hala eskatuta: «Oro har, herritarrek ondo hartu dituzte aldaketak. Etxean bertan aparkatzeko edo bertara hurbiltzeko ohitura duenak beti ditu kexak zirkularioan aldaketak egiten direnean, eta hori ezin duenean egin, kexu agertzen da. Baina nik uste dut jendeak badakiela zentzuz egiten direla gauzak, beti interes orokorra bilatuz».
San Pedro kalea 20:00ak arte irekitzea ere erabaki zuen udalak. Horren gaineko gogoeta egin du Altunak: «Datuak aztertu ditugu, eta ez dugu uste errepidea ireki izanak eragin handirik izan duenik. Orain Matxin Artzu ireki dela, berriro itxi egin dugu San Pedro, eta bizilagunek eskertu egin digute erabaki hori».
Udalak kontrolatuko dituen guneak zehazteke daude.
