Hizkuntza ohiturei buruzko TELP ikastaroa antolatu dute udalak eta Ttur-tturrek
20 lagunentzako tokia izango da ikastaroan: Euskara Elkartera egitasmokoek lehentasuna izango dute Udalak eta Ttur-Ttur Euskaltzaleon Bilguneak TELP ikastaroa antolatu dute. Jakinarazi dutenez, batez ere Euskara Elkartera egitasmoan parte hartzen duten...
20 lagunentzako tokia izango da ikastaroan: Euskara Elkartera egitasmokoek lehentasuna izango dute
Udalak eta Ttur-Ttur Euskaltzaleon Bilguneak TELP ikastaroa antolatu dute. Jakinarazi dutenez, batez ere Euskara Elkartera egitasmoan parte hartzen dutenei zuzenduta dago. Ikastaroaren helburua, «hizkuntza ohituren inguruan aritzea da, euskaraz aritzeari lotutako deserosotasunak murriztea eta euskaraz gusturago aritzeko baliabideak sortzea».
Hamar ordu izango ditu ikastaroak, eta hiru saiotan banatu dute. Emunek emango du, Lan Mundua Euskaratzeko Kooperatibak.
Saioak ostiraletan izango dira: hilaren 25ean, eta ekainaren 1ean eta 8an. Gehienez, 20 lagunek eman ahal izango dute izena, beraz, 20 pertsona apuntatzen direnean, itxi egingo dute izena emateko aukera. Euskara Elkartera egitasmoko parte hartzaileek lehentasuna izango dute.
Izena eman nahi dutenek, Ttur-Tturrera jo behar dute: Fermiñene etxeko 2. solairura, edo 943 26 01 82 telefono zenbakira.
Kataluniatik
Emunek esperientzia du hizkuntza ohituren tailer horrekin, 2007tik eskaintzen ari baita Euskal Herriko hainbat herritan. TELP ikastaroari izena katalanetik datorkio: Taller d´Espai Lingüistic Personal.
Udalak jakinarazi duenez, «arrakastatsua izan ohi da ematen den tokietan, egunerokoan sortzen diren hainbat egoeratan nola jokatu erakusten baita».
