Pakea Bizkaia etzi Hondarribian lehorreratuko da
Unai Basurkoren Pakea Bizkaia belaontzia Hondarribiko Kirol Kaian lehorreratuko da etzi arratsaldean eta astearte arte izango da Hondarribian. Ondoren, Pasaiarantz abiatuko da. Astelehen goizean Hondarribiko ikastetxeetako Lehen Hezkuntzako laugarren m...
Unai Basurkoren Pakea Bizkaia belaontzia Hondarribiko Kirol Kaian lehorreratuko da etzi arratsaldean eta astearte arte izango da Hondarribian. Ondoren, Pasaiarantz abiatuko da.
Astelehen goizean Hondarribiko ikastetxeetako Lehen Hezkuntzako laugarren mailako ikasleak belaontzia ikustera joango dira, eta 17:30etik 19:30era gainontzeko bisitari guztientzat irekiko dute.
Ekimen honen helburu nagusia Pakea Bizkaia proiektua azaltzea da, hala
proiektua hedatu eta ezagutarazteko; herritarrengan itsasoa zaintzearen aldeko
sentsibilizazioa piztu nahi dute, eta txikien artean heziketaren baloreak sustatu. Beraz, batetik, belaontzia bera ezagutu, eta bestetik, gizarte eta heziketa izaera duen proiektua ezagutarazi nahi dute.
Gainera mintza saioak egingo dituzte eta Pakea Bizkaia proiektua azalduko dute, orain dela 5 urte sortu zenetik orain arte izan duen ibilbidea, alegia; 2010ean Ipar Lurmuturrera eta 2011n Groenlandiara egindako espedizioak azalduko dituzte.
