Hondarribiko aireportua handitzeko proiektua alde batera utzi dute
Aireportua handitzeko proiektua alde batera utzi dute, baina egungo zerbitzuek berdin jarraituko dute. Espainiako Sustapen Ministerioak dekretua prestatuko du, Espainiako eta Euskal Herriko hainbat aireportutan «salbuespen» egoera adierazteko, horien artean, Hondarribikoarena. Hala, segurtasun guneak jartzeko beharrezkoa omen zen aireportua handitzea: alde batera utziko dute egitasmo hori. Segurtasun espazio horiek OACIk (nazioarteko hegaldi erakundea da) legez onartuta dauzka, eta larrialdi egoeretarako erabiltzen dira. Hala ere, OACIk, egoera geografiko edo urbanoak direla eta handitzeko zailtasunak dituzten azpiegituretan salbuespen egoerak egon daitezkeela jakinarazi du. Londreseko eta Belfasteko aireportuetan, adibidez, antzeko neurria hartu dute. Udala, pozik erabakiarekin Aitor Kerejeta Hondarribiko alkatea pozik dago albistearekin: «Duela hamabi urtetik Udalak azaldu duen jarrera berretsi egiten du erabakiak. Gainera, pozik gaude Mendeluko bizilagun, enpresari eta langileengatik, denbora gehiegi eman baitute egoera gogorra jasaten. Hala, Aireportuak bere jarduerarekin jarraituko du, eta Mendeluko eta Hondarribiko etorkizun hurbila argitu egin da».
Aireportua handitzeko proiektua alde batera utzi dute, baina egungo zerbitzuek berdin jarraituko dute. Espainiako Sustapen Ministerioak dekretua prestatuko du, Espainiako eta Euskal Herriko hainbat aireportutan «salbuespen» egoera adierazteko, horien artean, Hondarribikoarena. Hala, segurtasun guneak jartzeko beharrezkoa omen zen aireportua handitzea: alde batera utziko dute egitasmo hori.
Segurtasun espazio horiek OACIk (nazioarteko hegaldi erakundea da) legez onartuta dauzka, eta larrialdi egoeretarako erabiltzen dira. Hala ere, OACIk, egoera geografiko edo urbanoak direla eta handitzeko zailtasunak dituzten azpiegituretan salbuespen egoerak egon daitezkeela jakinarazi du. Londreseko eta Belfasteko aireportuetan, adibidez, antzeko neurria hartu dute.
Udala, pozik erabakiarekin
Aitor Kerejeta Hondarribiko alkatea pozik dago albistearekin: «Duela hamabi urtetik Udalak azaldu duen jarrera berretsi egiten du erabakiak. Gainera, pozik gaude Mendeluko bizilagun, enpresari eta langileengatik, denbora gehiegi eman baitute egoera gogorra jasaten. Hala, Aireportuak bere jarduerarekin jarraituko du, eta Mendeluko eta Hondarribiko etorkizun hurbila argitu egin da».
Segurtasuna handitzeko luzatu nahi zuten pista.
