Laikoen jarduna aztertuko dute ostiralean Kateako elizan
Etzi, hilak 25, Laikoen papera egungo elizan goiburuko hitzaldia emango dute Kateako (Landetxa) Arantzazuko Amaren eliz parrokian. Irune Arrieta eta Mikel Iraundegi izango dira hizlariak. Kateako elizatik esan dutenez, “Arrieta eta Iraundegi urt...
Etzi, hilak 25, Laikoen papera egungo elizan goiburuko hitzaldia emango dute Kateako (Landetxa) Arantzazuko Amaren eliz parrokian. Irune Arrieta eta Mikel Iraundegi izango dira hizlariak. Kateako elizatik esan dutenez, “Arrieta eta Iraundegi urte askotan hainbat pastoraltzatan ibili izan dira”.
Kateako tenpluak mende erdia beteko du aurten eta hainbat ekitaldiz osatutako egitaraua prestatu dute: hitzaldiak, musika kontzertuak —abesbatzak ere 50 urte bete ditu—, ibilaldiak… Ostiraleko hitzaldia programa horren barruan kokatzen da.
Elizatik gogoratu dute, Arantzazuko Amaren ibilbideko argazkien erakusketa jarrita dagoela elizako hormetan; bi hilabetero hamarkada bateko argazkiak eskegitzen dituzte eta, orain joaten direnek, 1983tik 1992ra bitarte ateratako irudiak ikusteko aukera izango dute.
