Kirolari ateak zabalik, igandean
Pasaiako Udaleko Gazteria eta Kirol departamentuak egun berezia antolatu du iganderako, Kirolari Ateak Zabalik Eguna. Hala, bi ekimen egingo dituzte Trintxerpen, beti ere herritarrei eskura dituzten kirol baliabideen berri emateko, eta gizarte sektore guztietan kirola sustatzeko. Batetik, Trintxerpeko kirolguneko pilotaleku itxietan rokodromo berezia prestatu du udalak. Bertan, bulder txiki bat eraiki eta horman eskalatzeko zortzi bide ireki dituzte. Hastapenerako eta teknika hobetzeko gune egokia dela esan dute udaletik, eta haurrentzat nahiz gazteentzat azpiegitura egokia dela, baina haurrek gurasoekin joan behar dute. 10:00etatik 13:00etara zabalduko dute lehenengo aldiz instalazioa. UDA udako kirol kanpaina ere erabiliko dute rokodromoa. Informazioa eskatzeko bi bide daude; batetik kirolgunera joatea, eta bestetik honako telefono zenbakira deitzea: 943 39 97 53. Parte hartzaileek oparia izango dute. Bestalde, 10:00etatik aurrera, Trintxerpeko pantalanetik abiatuta badia piraguaz zeharkatzeko aukera izango da, Pasaia Kayak-en eskutik. Denentzako ekimena da, eta antolatzaileek emango dute beharrezko materiala. Informazio gehiago izateko 617 32 35 02 telefono zenbakira deitu behar dute interesa dutenek.
Pasaiako Udaleko Gazteria eta Kirol departamentuak egun berezia antolatu du iganderako, Kirolari Ateak Zabalik Eguna. Hala, bi ekimen egingo dituzte Trintxerpen, beti ere herritarrei eskura dituzten kirol baliabideen berri emateko, eta gizarte sektore guztietan kirola sustatzeko.
Trintxerpeko rokodromoa
Batetik, Trintxerpeko kirolguneko pilotaleku itxietan rokodromo berezia prestatu du udalak. Bertan, bulder txiki bat eraiki eta horman eskalatzeko zortzi bide ireki dituzte. Hastapenerako eta teknika hobetzeko gune egokia dela esan dute udaletik, eta haurrentzat nahiz gazteentzat azpiegitura egokia dela, baina haurrek gurasoekin joan behar dute. 10:00etatik 13:00etara zabalduko dute lehenengo aldiz instalazioa. UDA udako kirol kanpaina ere erabiliko dute rokodromoa. Informazioa eskatzeko bi bide daude; batetik kirolgunera joatea, eta bestetik honako telefono zenbakira deitzea: 943 39 97 53. Parte hartzaileek oparia izango dute.
Bestalde, 10:00etatik aurrera, Trintxerpeko pantalanetik abiatuta badia piraguaz zeharkatzeko aukera izango da, Pasaia Kayak-en eskutik. Denentzako ekimena da, eta antolatzaileek emango dute beharrezko materiala. Informazio gehiago izateko 617 32 35 02 telefono zenbakira deitu behar dute interesa dutenek.
