
Garaipen bikoitza lortu du San Juanek asteburuan. Gipuzkoako ligaren barruan asteburuan jokatu diren bi estropadak irabazi dituzte arrosek, larunbatekoa Getarian, eta igandekoa, Orion. Hondarribi bigarrena izan da, 6 segundoetara, eta San Pedro hirugarren, 8 segundora. Bikoitza ere Getariako emakumeen garaipena, bi estropadak irabazi baitituzte getariarrak, etxekoa eta Oriokoa. San Juango neskak, bigarrenak izan ziren Getarian, eta hirugarrenak Orion. Hibaika, berriz, bosgarren Getarian eta seigarren Orion. Gazteen Mailan, berriro ere, getariako mutilek garaipen bikoitza. Etxean jokatu zuuten estropada, getariarrek 34 segundu atera zizkioetan haien atzetik helmugaratuz zen San Pedroko trainerillari, eta 46 hirugarren postuan sailkatu zen Illunberi. Orioko estropadan aldiz, Illunbe izan zen bigarren, Getarairen atzetik segundo batera helmugaratuz, eta hirugarrenak San Pedrokoak izan ziren. 8 segundo atera zizkion Getariak San Pedrori. Federazio Kopa Federazio kopako bi estropadak, ligatik kanpo, Oriok irabazi ditu. San Pedro eta Illunbe laugarren eta bosgarren izan ziren Getariako estropadan, hurrenez hurren, eta Orioko estropadan, aldiz, San Pedro bigarren eta Illunbe hirugarren.

Gaur hasi da Donostiako Lurralde Auzitegian Clara Rangelen bikotekide ohiaren kontrako epaiketa. 2008an hil zuten Rangel Errenteria-Oreretan, ustez orduan bere bikote zenak. Udalak epaiketaren harira, adierazpen instituzionala atera du, eta gertaera hori gaitzesteaz gain, herrian jarrera matxistarik ez duela onartuko adierazi du, “are gutxiago emakume izateagatik pertsona bat hiltzea”. Gaineratu duenez, epaiketa horrek gogora ekarri du “herrian indarkeria matxista egunero pairatzen duten emakumeak” daudela, eta “egiturazko arazo hori konpontzeko jendarte guztiaren inplikazioa ezinbestekoa” dela. Berdintasuna modu eraginkorrean bultzatzeko “erantzukizun eta urgentziaren aurrean ere” jarri duela adierazi du. Era berean, babesa eman dio Rangelen familiari. Epaiketa hasi aurretik Errenteriako Berdintasun Kontseiluak eta talde feministek antolatuta, elkarretaratzea egin dute auzitegiaren aurrean.

Trintxerpetarrek ezin izan zuten irundarren kontra. 0-1 galdu zuten zuri-urdinek Real Unionen kontra jokatutako partida. 43 punturekin, sailkapeneko hamabigarren tokian da Trintxerpe. Hurrengo partida Tolosaren kontra dute.

Aurtengo Musikastek hasi du bere ibilbidea. Astebetez, euskal musikari errepasoa egin, eta batik bat lehengo musikarien musika entzun ahal izango da. 40. ekitaldi honetan gogoan izango dute Francisco Escudero konpositorea, bere jaiotzaren mendeurrena b...

Preferente Mailan jokatzen duten herriko bi taldeentzat azken partidua izango da gaurkoa. Touringek, gainera, azkeneko partidua izango du maila horretan, duela zazpi egun Ohorezko Mailara igotzea lortu baitzuen. Usurbilen kontrako jokatuko du etxetik k...

Oiartzungo Nafarroako Konkistaren Astearen barruko azken ekitaldia egin dute gaur goizean. Lehenik, ekitaldia egin dute Gurutze auzoko pilotalekuan, eta ondoren Beloagako gaztelura joan dira parte hartzaileak, bertan oroigarri bat inauguratzeko. 200 bat herritarrek bat egin dute Nafarroa Bizirik taldeak egin duen deialdiarekin. Ondoko bi bideotan ikus daitezke gazteluaren gaineko xehetasunak, Nafarroa Bizirik-eko kideek nahiz udaleko Kultura zinegotziak emanak.

Trapu zaharra antzerki taldearekin kale antzerkia izango da, bihar, 12:30etik aurrera, San Pedro kalean. Ta orain zer? lana emango dute. Santi Ugaldek zuzendua da, eta Mikel Laskurain eta Javi Barandiaran dira aktoreak. Laskurain zein Barandiaran aktor...

Zokoloko bidea autoentzako itxita egongo da maiatzaren 14tik (datorren astelehenetik) uztailaren 14ra. Olaldeko etxebizitzen lanek eragingo dute bide-mozketa, Altzibarko Donepetri kaletik Zokolo bidera dagoen zubia bota eta berria eraiki behar baitute....

Clara Rangelen bikotekide ohiaren kontrako epaiketa astelehenean hasiko da. Rangel 2008ko abenduan hil zuen, ustez, orduan bere bikotekide zenak. Errenteriako talde feministek “justizia” eskatu dute, eta herritarren euren gaitzespena erakus...

Pausu garrantzitsua eman zuen Erregional Ohorezko mailako Hondarribiko futbol taldeak larunbatean. Bi eta bat garaitu zuen Berioko taldea eta hiru puntuak poltsikoratuta, hamalaugarren dira berdeak hogeitamahiru punturekin. Bi partida gelditzen dira li...

Bigarren aukerara itxaron beharrik gabe, lehenengoan lortu zuen Zilarreko Mailara igotzeko txartela Ereintza Eskubaloi Taldeak; ozta-ozta lortu ere: Pan Moguer talde andaluziarrari gol bateko errentarekin gailendu zitzaion larunbatean, 28-27. Gol hori ...

Emozio handiko partida jokatu zuten lehengo larunbatean Pasaiak eta Oiartzunek ugaldetxon. Sailkapenean puntutan berdinduta, gogor borrokatu zuten bi taldeek hiru puntuak poltsikoratzeagatik, baina ez batak eta besteak ez zuten lortu, eta puntu banaket...

Garrantzitsua izango da gaurko eguna Ereintza eskubaloi taldearentzat. Zilarrezko Mailara igotzeko gelditzen zaizkion bi partidetatik lehenengoa jokatuko baitu, eta irabaziz gero, igoera lortuko du. Horretarako, baina talde sendoari aurre egin beharko ...

Ekitaldiak Eguzki elkartearen inguruan eta planeten etxeetako futbol zelaiaren inguruan egingo dira. Honakoak dira: 11:30. Hildakoen aldeko meza Betherramgo elizan. 12:30. Auzoko adinduentzako salda banatuko dute Txanpa elkartean. 12:00-13:00. Bap...

Beñat Sagarzazu sanpedrotarrak hirugarren urtez parte hartuko du Lanzaroteko (Kanariar Uharteak, Espainia) Ironman proban: igerian 3.800 metro, bizikletan 180 kilometro eta lasterka 42 kilometroko egin beharko ditu Sagarzazuk hilaren 19ko proban. Gaur abiatuko da hara kirolari pasaitarra, hango klimara egokitzeko. Lanzaroten helburu garbiak ditu: ahalik eta lan onena egin, eta Hawaiiko Ironmanerako sailkapena lortu.

Hileko bigarren larunbata izan da, kantu jiraren txanda, eta gaur goizean euskal kantuekin alaituko dituzte Errenteria-Oreretako erdialdeko kaleak. 12:00etan bilduko dira Herriko Plazan eta hortik aurrera martxan jarriko dira bazkal ordura arte.

Atzo arratsaldean inauguratu zuten Kabia Espazio Kolektiboa Pontikako aparkalekuan. Gune horrek jendearen arreta piztu zuen, eta espero baino herritar gehiago hurbildu ziren. Guztien harridurarako, ordea, oraindik ez zeuden guztiz bukatuta karpa estaltzeko lanak, baina programatutako ekintza guztiak egiteko moduan dira. Mokadutxoarekin inauguratu zuten egitura, eta ondoren, proiektuaren atzean dauden talde eta herritarrek hartu zuten hitza. Arkitektura Kolektiboak sustatzaileak izan ziren mikrofonora gerturatu ziren lehenak. Pontikako egitura hori “abiapuntua” besterik ez dela azaldu zuten hiri osoan hedatuko den mugimendua biltzeko. Dagoeneko hainbat lantalde eta proiektu martxan daudela gaineratu zuten. Hala ere, beste hainbat ere egin daitezkeelako herritarrak parte hartzera animatu zituzten. Proiektu horietako batzuk azaldu zituzten, ondoren, lantaldeetako kide batzuek. Teknologia lantaldeak, adibidez, jakinarazi zuen, dagoeneko Kabia sarean dagoela. Edonork erabiltzaile bat sortu ahal izango du, eta parte hartu. “Proiektu bakoitzak bere fitxa izango du, eta proiektu horren gainean eztabaidatu ahal izango da”. Agenda bat ere sortzekotan direla adierazi zuten. Teknologiaren alde soziala landuko dutela esan zuten, “gizarte eraldaketarako tresna bezala”. Hala nola, guifi.net sarea, software librearen gaineko hitzaldi eta tailerrak eta beste hainbat proiektu egitekotan dira. Kultura lantaldetik, hala nola, musikan lan egiten ari dira, eta kontzertu eta jam session-ak antolatuko dituzte, alegia, musika inprobisazioak. Inprobisazio horiek bertsolaritza eta artearen [...]

Datorren astelehenetik aurrera Ikust Alaia udal liburutegiak ordutegia zabalduko du, Ikasketa Gela erabili nahi dutenei begira. Udaletik esan dutenez, azterketa garaian dauden ikasleei begira hartu dte erabaki hori. Ekainaren 27ra arte iraungo du ordutegi bereziak. Astelehenetik larunbatera, 13:00etatik 16:00etara, eta larunbat arratsaldetan 16:00etatik 20:00etara. Igandeetan, berriz, 09:00etatik 13:00etara.