Euskaraz bizitzeko, Prest! taldea sortu dute Donibanen
Bihar egingo dute taldearen aurkezpena, 12:00etatik aurrera Meipin antolatu duten jaiarekin. Euskararen presentziak eta erabilerak gora egin dezan, Prest! taldea sortu dute hainbat sanjuandarrek. Bihar aurkeztuko dute taldea Meipin, 12:00etatik aurrera...
Bihar egingo dute taldearen aurkezpena, 12:00etatik aurrera Meipin antolatu duten jaiarekin.
Euskararen presentziak eta erabilerak gora egin dezan, Prest! taldea sortu dute hainbat sanjuandarrek. Bihar aurkeztuko dute taldea Meipin, 12:00etatik aurrera. Bertan, besteak beste, txalapartariak, bertsolariak, dantzariak, trikitilariak eta marrazkilariak izango dira. Nahi duenak txistorra pintxoak jateko aukera izango du.
Plan estrategikoaren bueltan
Pasaiako Udalak bultzatu duen Euskara Biziberritzeko Plan Estrategikoaren (2010-2020) barruan izan diren bileretan elkartzea eta lanean hastea erabaki zuen sanjuandar taldeak, udaberrian. Taldekideen arabera, «talde heterogeneoa» osatu dute, «adinez eta jatorriz, bizieraz eta bizibidez». Baina hainbat kezkek elkartu dituela esan dute: «Donibaneko euskararen erabilera eskasak, kalean duen presentzia ahulak, eguneroko adierazpen gehienetan gaztelaniak duen gailentasun ia erabatekoak, euskaraz jakinik gaztelaniaz hitz egiteko dagoen ohitura hain errotuak, euskaren prestigio ezak…».
«Euskaraz jakin arren eta gehien-gehienak euskararen alde egonda ere sanjuandar askok, praktikan, txoil baztertua ikusten dugu euskara sanjuandarron bizitzatik», kexu dira.
Kezka horiekin guztiekin bat egiten dutenei taldearekin harremanetan jartzeko eskatu diete, presTTaldea@yahoogroups.com helbidearen bidez.
