Euskal Jaia oparo heldu da aurten Donibanera
Asteburuan ospatuko dute Donibanen Euskal Jaia, Bixi-Bixi Kultur Elkarteak antolatuta. Ostiralean hasi eta igandera bitartean, euskal giroa nagusituko da kaleetan, hamaika ekitaldi antolatu baitituzte hiru egunetarako. Nafarroaren konkistaren 500. urteurrenaren harira maiatzerako antolatu zituztenak, bertan behera utzi behar izan zituzten euriarengatik, eta jarduera horiek guztiak batu dizkiete aurrez antolatua zuten Euskal Jaiaren egitarauari, are eta eskaintza oparoagoa osatuz. Euskal Jaiarako aurtengo gonbidatu berezia, Galiziako herria izango da. Hiru ekitaldi dira nabarmentzeko modukoak; ostiralean, Allur dantza taldearen ikuskizuna, Izanak Dirau 1512, larunbatean arratsaldeko Sagardo Feria, eta igandean bertso bazkaria. Bazkarirako txartelak 20 euroan eros daitezke, Pari Berri eta Itziar tabernetan. Haurren txartelak 7 euro balio du. Horiez gain, bada askoz gehiago. Honatx egitaraua: Hilak 8, ostirala: 21:30: Aurkezpen ekitaldia. 22:00: Allur dantza taldearen Izanak dirau ikuskizuna, plazan. Hilak 9, larunbata: 17:00: Sagardo Feria, Rezola, Bereziartua, Petritegi, Egi-Luze, Lizeaga, eta Gartziategi sagardotegien eskutik. 17:30: Sagardoaren prozesua bertsoen eta musikaren bidez. 18:00: Nafarroako itsasoan nabigatzeko aukera. 18:00: Antzinako lanbideen erakusketa. 18:00: Elkarteen arteko sukaldaritza txapelketa: Ixkiro, Usoa, Itsas Mendi, Bixi-Bixi, Yola, eta San Juan arraun elkartea. 18:30: Dangiliske plaza dantza eta Muxikoak. 20:30: Afaltzeko, pintxoak debalde 22:00: Gartxot filmaren emanaldia. Hilak 10, igandea: 10:00: Diana txistulariekin 11:00: Kalejira trikitilariekin. 11:30: Dultzaineroak. 12:00: Dantzari Txikien [...]
Euskal Jaia. Fotos Arizmendi
Asteburuan ospatuko dute Donibanen Euskal Jaia, Bixi-Bixi Kultur Elkarteak antolatuta. Ostiralean hasi eta igandera bitartean, euskal giroa nagusituko da kaleetan, hamaika ekitaldi antolatu baitituzte hiru egunetarako. Nafarroaren konkistaren 500. urteurrenaren harira maiatzerako antolatu zituztenak, bertan behera utzi behar izan zituzten euriarengatik, eta jarduera horiek guztiak batu dizkiete aurrez antolatua zuten Euskal Jaiaren egitarauari, are eta eskaintza oparoagoa osatuz. Euskal Jaiarako aurtengo gonbidatu berezia, Galiziako herria izango da.
Hiru ekitaldi dira nabarmentzeko modukoak; ostiralean, Allur dantza taldearen ikuskizuna, Izanak Dirau 1512, larunbatean arratsaldeko Sagardo Feria, eta igandean bertso bazkaria. Bazkarirako txartelak 20 euroan eros daitezke, Pari Berri eta Itziar tabernetan. Haurren txartelak 7 euro balio du. Horiez gain, bada askoz gehiago. Honatx egitaraua:
Hilak 8, ostirala:
21:30: Aurkezpen ekitaldia.
22:00: Allur dantza taldearen Izanak dirau ikuskizuna, plazan.
Hilak 9, larunbata:
17:00: Sagardo Feria, Rezola, Bereziartua, Petritegi, Egi-Luze, Lizeaga, eta Gartziategi sagardotegien eskutik.
17:30: Sagardoaren prozesua bertsoen eta musikaren bidez.
18:00: Nafarroako itsasoan nabigatzeko aukera.
18:00: Antzinako lanbideen erakusketa.
18:00: Elkarteen arteko sukaldaritza txapelketa: Ixkiro, Usoa, Itsas Mendi, Bixi-Bixi, Yola, eta San Juan arraun elkartea.
18:30: Dangiliske plaza dantza eta Muxikoak.
20:30: Afaltzeko, pintxoak debalde
22:00: Gartxot filmaren emanaldia.
Hilak 10, igandea:
10:00: Diana txistulariekin
11:00: Kalejira trikitilariekin.
11:30: Dultzaineroak.
12:00: Dantzari Txikien desfilea. Eraiki (Behobi), Alkartasuna (Antxo), eta Murixka (Lezo).
12:00: Galiziako gaiteroak. Joaldunak herritik zehar.
13:00: Ikurrinari agurra plazan. Txalapartariak.
13:15: dantzarien ikuskizuna.
14:30: Bartso bazkaria plazan, herriko bertsolari gazteekin. Txekorra erreko dute. Ondoren keimada.
17:15: Kirikoketa erakustaldia.
17:45: trobadoreak kale antzerkia.
18:00: dantzaldia plazan Patxi Perez eta konpainiarekin.
20:30: Zezen suzkoa.
Horrez gain: sagardo dastaketa eta galiziar pintxoak, zozketa, artisau azoka egun guztian…
