Hamar urte eskolaz kanpoko euskarazko jarduera hasi zenetik
Aurten hamar urte bete dira Hendaian eskolatik kanpoko euskarazko jarduerak egiten hasi zirenetik, eta hamargarren urteurrena ospatzeko jai bat antolatu dute larunbaterako, hilaren 9rako. Merkatu Zaharrean izanen da, 15:00etan hasita. Ekitaldi asko egi...
Aurten hamar urte bete dira Hendaian eskolatik kanpoko euskarazko jarduerak egiten hasi zirenetik, eta hamargarren urteurrena ospatzeko jai bat antolatu dute larunbaterako, hilaren 9rako. Merkatu Zaharrean izanen da, 15:00etan hasita.
Ekitaldi asko eginen dituzte larunbat arratsaldean. Lehenik, urtemugaren gainean prestatu duten CD-Roma proiektatuko dute, eta azken hamar urteetan ateratako diapositibak ere ikusteko aukera izanen da.
Ikasleak protagonista
Eskolaz kanpoko euskarazko jardueren protagonistek, herriko ikastetxeetako ikasleek beraiek, ondo pasatzeko aukera izanen dute etzi, beraientzat antolatuko bait dituzte animazio gehienak; Ikaspilota elkartearen ardura izango da arratsaldea animatzea. Besteak beste, euskal joko tradizionaletan aritzeko aukera izanen dute haurrek. Noski, festan ez da euskal girorik faltako: txalaparta doinuak, euskal kantuak eta pandero joleak presente izanen dira Merkatu Zaharrean.
