Soroeta auzoko berritze lanak urte betean bukatu nahi ditu Udalak
Soroetaberri, Eguzkilore eta Ama Guadalupekoa inguruak, eta Donostia, Soroeta, Haizeleku eta Girizi kaleen berritze lanak erritmo onean doaz. Hala azaldu zuten herenegun goizean,Orsa eta Otegi-Gaztañaga enpresa eraikitzaileko eta Udaleko ordezkariek auzoko lanetara egin zuten bisita gidatuan. Otsailean hasi ziren Soroeta auzoa berritzen eta 2013ko maiatzerako bukatu nahi dute. Bost milioi euroko aurrekontuarekin, Orsa eta Otegi Gaztañaga enpresak dabiltza auzoa berritzen. Orain arte, Girizi kalea berritu dute, eta 35 aparkaleku jarri dituzte. Donosti kalea, beheranzko norabidean bukatzen ari dira, eta Soroetaberri kalea eta Ama Guadalupekoa berritzen dabiltza orain. Soroetaberriko parkea uztailaren erdialderako bukatu nahi dute. «Hasierako proiektua aldatu egin dugu. Gune berde eta zuhaitzak jarriko ditugu. Orain arte parkea ez zen asko erabiltzen, baina aurrerantzean gehiago erabiltzea espero dugu. Bizilagunentzako izango da bereziki», azaldu zuen, Aitor Kerejetak, Hondarribiko alkateak. Lanak bisitatzen zituzten bitartean, Kerejetak, bizilagunei edukitzen ari diren pazientzia «eskertu» die. «Oso obra handia da, ia kale guztiak daude obretan, eta horrek molestia handiak suposatzen ditu, soinua, hautsa… Baina bizilagunen jokaera oso egokia da, eta eskertu beharrean gaude. Hala ere, gogorarazi nahi nieke obra gune batean daudela, eta enpresak jarritako seinalizazioa errespetatu behar dela, bestela egoera arriskutsuak gerta daitezke». Oinezkoari lehentasuna Saneamendu sare banatzailea jartzen ari dira, izan ere, orain artekoak [...]
Soroetaberri, Eguzkilore eta Ama Guadalupekoa inguruak, eta Donostia, Soroeta, Haizeleku eta Girizi kaleen berritze lanak erritmo onean doaz. Hala azaldu zuten herenegun goizean,Orsa eta Otegi-Gaztañaga enpresa eraikitzaileko eta Udaleko ordezkariek auzoko lanetara egin zuten bisita gidatuan.
Otsailean hasi ziren Soroeta auzoa berritzen eta 2013ko maiatzerako bukatu nahi dute. Bost milioi euroko aurrekontuarekin, Orsa eta Otegi Gaztañaga enpresak dabiltza auzoa berritzen. Orain arte, Girizi kalea berritu dute, eta 35 aparkaleku jarri dituzte. Donosti kalea, beheranzko norabidean bukatzen ari dira, eta Soroetaberri kalea eta Ama Guadalupekoa berritzen dabiltza orain.
Soroetaberriko parkea uztailaren erdialderako bukatu nahi dute. «Hasierako proiektua aldatu egin dugu. Gune berde eta zuhaitzak jarriko ditugu. Orain arte parkea ez zen asko erabiltzen, baina aurrerantzean gehiago erabiltzea espero dugu. Bizilagunentzako izango da bereziki», azaldu zuen, Aitor Kerejetak, Hondarribiko alkateak. Lanak bisitatzen zituzten bitartean, Kerejetak, bizilagunei edukitzen ari diren pazientzia «eskertu» die. «Oso obra handia da, ia kale guztiak daude obretan, eta horrek molestia handiak suposatzen ditu, soinua, hautsa… Baina bizilagunen jokaera oso egokia da, eta eskertu beharrean gaude. Hala ere, gogorarazi nahi nieke obra gune batean daudela, eta enpresak jarritako seinalizazioa errespetatu behar dela, bestela egoera arriskutsuak gerta daitezke».
Oinezkoari lehentasuna
Saneamendu sare banatzailea jartzen ari dira, izan ere, orain artekoak ez zituen euri urak eta ur beltzak banatzen. Bideak berrituko dituzte oinezkoari lehentasuna emanez. 230 aparkaleku jarriko dituzte, gaur egungo 235en aldean. «Uda garaian Soroetako futbol zelaiko aparkalekuak egun hauetan sortuko den aparkaleku beharra asetuko du», gehitu zuen, Javier Cabanasek, lanen arduradunak. Argiak aldatuko dituzte, eta kontsumo baxukoak jarriko dituzte. Gainera, lorategiak jarriko dituzte 150 zuhaitza landatuko dituzte.
