Auzoetako bilkurak ekainaren 20tik 29ra
Datozen asteetan auzo-bilkurak eginen dituzte Hendaian. Herriko Etxetik auzo bakoitzeko hitzorduen ordutegia zehaztu dute. Bilkura guztiak 19:00etan izanen dira, Intzurakoa ezik (18:30ean). Hauek dira datak eta ordutegiak: Hondartza auzoa: hilaren 20a...
Datozen asteetan auzo-bilkurak eginen dituzte Hendaian. Herriko Etxetik auzo bakoitzeko hitzorduen ordutegia zehaztu dute. Bilkura guztiak 19:00etan izanen dira, Intzurakoa ezik (18:30ean). Hauek dira datak eta ordutegiak:
- Hondartza auzoa: hilaren 20an (asteazkena), Hondartzako Lehen mailako eskolan, 19:00etan.
- Geltoki auzoa: hilaren 22an (ostirala), Geltokiko Lehen Mailako eskolan, 19:00etan.
- Intzura auzoa: hilaren 26an (asteartea), Denentzat Gizarte Zentroan, 18:30ean.
- Lizardi, Sopite, Agerria eta Erlaitza auzoak: hilaren 28an (osteguna), Lizardiko Lehen mailako Eskolan, 19:00etan.
- Hiri-barnea: hilaren 29an (ostirala), Herriko Etxean, 19:00etan.
Jakina denez, auzo bilkurak denentzat irekiak dira, eta, horregatik, Herriko Etxetik herritar guztiei dei egin diete auzo bilkuretara agertzeko: “Horren karietara, abian diren txostenak eta azken berriak aipatzen ahalko dira”, gaineratu dute udaletxetik.
