Josu Vidal: «Aukerak badaude, baina kanporaketa horietan denetik gerta daiteke»
Hirugarren Mailara igotzeko bi partida jokatu dituzte zuri-gorriek, San Martin eta Bermeo taldeen kontra, eta biak irabazi. Josu Vidal (Pasai Antxo, 1984) Pasaia futbol taldeko kapitaina da. Beste taldeen emaitzen menpe dauden arren, baikorra da antxotarra. Bi partida jokatu eta biak irabazi. Indartsu ari zarete, ezta? Bai. Denboraldia luze xamarra egin den arren ondo iritsi gara bukaerara eta ilusioz heldu diogu azken txanpa honi. Orain zein da zehazki egoera Pasaiarentzat? Zer gertatu behar da Pasaia Hirugarren Mailara igotzeko? Ligan bigarrenak izan gara. Igoera promozioa jokatu dugu bizkaitar eta arabarren kontra eta bi partidak irabazi ditugu. Hala ere, honek ez digu igoera bermatzen, Hirugarren Mailan plaza eskuratu ahal izateko bi euskal taldek Bigarren B mailara igo beharko luketelako. Azken kanporaketa gainditu behar dute. Aukerak dituzuela uste duzu, edo zaila ikusten duzu? Aukerak badaude, baina kanporaketa horietan denetik gerta daiteke. Ea zorte pixka bat dugun. Hirugarren Mailara igoz gero, nola uste duzu moldatuko litzatekeela Pasaia? Beste maila handiago bat izango litzateke zentzu guztietan. Talde boteretsuak daude bertan, batez ere bizkaitarrak, diru asko mugitzen dutenak, eta zaila izango da horiei aurre egitea. Baina taldeak baditu horretarako argudioak. Zaleak primeran erantzuten ari dira. Pasaiaren 12. jokalaria al dira? Zalantzarik gabe. Etxeko partidatan, batez ere, [...]
Josu Vidal
Hirugarren Mailara igotzeko bi partida jokatu dituzte zuri-gorriek, San Martin eta Bermeo taldeen kontra, eta biak irabazi. Josu Vidal (Pasai Antxo, 1984) Pasaia futbol taldeko kapitaina da. Beste taldeen emaitzen menpe dauden arren, baikorra da antxotarra.
Bi partida jokatu eta biak irabazi. Indartsu ari zarete, ezta?
Bai. Denboraldia luze xamarra egin den arren ondo iritsi gara bukaerara eta ilusioz heldu diogu azken txanpa honi.
Orain zein da zehazki egoera Pasaiarentzat? Zer gertatu behar da Pasaia Hirugarren Mailara igotzeko?
Ligan bigarrenak izan gara. Igoera promozioa jokatu dugu bizkaitar eta arabarren kontra eta bi partidak irabazi ditugu. Hala ere, honek ez digu igoera bermatzen, Hirugarren Mailan plaza eskuratu ahal izateko bi euskal taldek Bigarren B mailara igo beharko luketelako. Azken kanporaketa gainditu behar dute.
Aukerak dituzuela uste duzu, edo zaila ikusten duzu?
Aukerak badaude, baina kanporaketa horietan denetik gerta daiteke. Ea zorte pixka bat dugun.
Hirugarren Mailara igoz gero, nola uste duzu moldatuko litzatekeela Pasaia?
Beste maila handiago bat izango litzateke zentzu guztietan. Talde boteretsuak daude bertan, batez ere bizkaitarrak, diru asko mugitzen dutenak, eta zaila izango da horiei aurre egitea. Baina taldeak baditu horretarako argudioak.
Zaleak primeran erantzuten ari dira. Pasaiaren 12. jokalaria al dira?
Zalantzarik gabe. Etxeko partidatan, batez ere, beraien laguntza ezinbestekoa izan da denboraldian zehar. Promozioko lehen partidan Don Bosco goraino bete zen eta Bermeokoa izugarria izan zen. Herri txiki bateko taldea animatzera hainbeste jende hurbiltzea pozgarria izan zen guretzat, eta beraiek ere ondo pasa zutela antzematen zen. Guztiei eskerrak eman nahi dizkiet.
