Bukatu du denboraldia EPLEren pilota eskolak
Larunbat goizean EPLEren pilota eskolaren denboraldia amaitu zen, eta ongi bukatzeko, partidak jokatu zituzten bertako ikasleek, Fanderiako pilotalekuan. Ondoren, opariak banatu zizkieten eta hamaiketakoa ere egin zuten. Arratsaldez, berriz, Pilota Ego...
Larunbat goizean EPLEren pilota eskolaren denboraldia amaitu zen, eta ongi bukatzeko, partidak jokatu zituzten bertako ikasleek, Fanderiako pilotalekuan. Ondoren, opariak banatu zizkieten eta hamaiketakoa ere egin zuten.
Arratsaldez, berriz, Pilota Egokituko Nazioarteko Txapelketako partidak izan ziren, eta Gipuzkoako pilotariak, Tarbes hirikoak (Okzitania) eta Valentziakoak (Herrialde Katalanak) aritu ziren lehian. Aulki egokituko nahiz pilota valentziarreko partidak jokatu zituzten. “Partidak ikusgarriak izan ziren, eta pilotazaleek gozatu egin zuten”.
Porrota, Udaberri Txapelketan
Udaberri Txapelketan, berriz, Antton Aranburuk (EPLE) ezin izan zuen Eibarko Jon Bengoetxea gailendu, eta azkenean 19-22 galdu zuen.
Gaur ere partidak ikusteko aukera izango da Fanderiako pilotalekuan. 18:30etik aurrera, lehenengo partidan Labaka-Erasun eta Arteaga-Aranguren ariko dira nor baino nor, eta bigarren partidan, Bakaikoa-Arandia eta Telletxea-Goñi.
