Mañontzi Bertso Eskolak eta Lezoko Udalak hitzarmena berritu dute
Mañontzi Bertso Eskolak eta Lezoko Udalak hitzarmena berritu dute, herrian bertsolaritza sustatzeko asmoz. Akordio horren iraupena bi urtekoa izango da. Sinaduran Kultura eta Euskara zinegotzi Mikel Arruti eta Mañontzi Bertso Eskolako Joseba Etxegoien eta Jon Etxebeste izan ziren. Urteak dira bertsozale taldea zein udal erakundea elkarlanean ari direla. Bi aldeen arteko lehenengo hitzarmena 2009ko abenduan egin zuten, bigarrena iazko maiatzean eta aurtengoa da sinatu duten hirugarrena. Udalaren esanetan, bertso elkartea “lan serioa eta eraginkorra” egiten ari da azken urteetan. Helduekin eta haurrekin Mañontzik helduekin zein haur eta gazteekin egiten du lan urte osoan zehar. Helduak astearteetan eta ostiraletan bildu ohi izan dira ikasturtean zehar, lehenengoan modu formalago batean, eta bigarrenean informalki. Haurrekin ere bertso eskola dute martxan, eta datorren ikasturtekoa kontuan hartuta, hirugarren aldia izango da haurrekin zein gazteekin lan egingo dutela. Bertso eskolan aritzeaz gain, urtean zehar hainbat ekitaldi antolatzen dituzte. Otsail partean sona handia duten bertsolariekin saioa egin ohi dute Gezalan, eta udazkenean bertso afaria antolatzen dute. Urteko azken egunean koplak kantatzeko ardura ere hartzen dute, baita herriko jaietako bertso saioak antolatzekoa ere. Ez da Lezoko Udalak herriko elkarte eta eragileekin azkenaldian sinatu duen hitzarmen bakarra izan. Gaur zortzi herriko hiru eragilerekin sinatu zuten hitzarmena: Hezikuntza Herri [...]
Mañontzi Bertso Eskolak eta Lezoko Udalak hitzarmena berritu dute, herrian bertsolaritza sustatzeko asmoz. Akordio horren iraupena bi urtekoa izango da. Sinaduran Kultura eta Euskara zinegotzi Mikel Arruti eta Mañontzi Bertso Eskolako Joseba Etxegoien eta Jon Etxebeste izan ziren.
Urteak dira bertsozale taldea zein udal erakundea elkarlanean ari direla. Bi aldeen arteko lehenengo hitzarmena 2009ko abenduan egin zuten, bigarrena iazko maiatzean eta aurtengoa da sinatu duten hirugarrena.
Udalaren esanetan, bertso elkartea “lan serioa eta eraginkorra” egiten ari da azken urteetan.
Helduekin eta haurrekin
Mañontzik helduekin zein haur eta gazteekin egiten du lan urte osoan zehar. Helduak astearteetan eta ostiraletan bildu ohi izan dira ikasturtean zehar, lehenengoan modu formalago batean, eta bigarrenean informalki. Haurrekin ere bertso eskola dute martxan, eta datorren ikasturtekoa kontuan hartuta, hirugarren aldia izango da haurrekin zein gazteekin lan egingo dutela.
Bertso eskolan aritzeaz gain, urtean zehar hainbat ekitaldi antolatzen dituzte. Otsail partean sona handia duten bertsolariekin saioa egin ohi dute Gezalan, eta udazkenean bertso afaria antolatzen dute. Urteko azken egunean koplak kantatzeko ardura ere hartzen dute, baita herriko jaietako bertso saioak antolatzekoa ere.
Ez da Lezoko Udalak herriko elkarte eta eragileekin azkenaldian sinatu duen hitzarmen bakarra izan. Gaur zortzi herriko hiru eragilerekin sinatu zuten hitzarmena: Hezikuntza Herri Eskolako eta Institutuko Guraso Elkartearekin, Orratx! antzerki taldearekin eta Murixka dantza taldearekin.
Kasu horietan, udalak bizirauteko baliabideak ematen dizkie elkarteei, eta trukean kultura jarduerak egin behar dituzte herrian.
