Marinel Azokak 54 artisau postu hartuko ditu asteburuan
Marinel Azokak 54 artisau postu hartuko ditu asteburuan
Marinel azoka aurkeztu dute
Marinel Azoka antolatu du Lezoko Udalak lehenengoz, hainbat eragileekin elkarlanean. Ostiralean 17:30ean zabalduko dute Karlos Saldise plazan egingo duten azoka, eta hiru egunez, artisauen 54 postuez gain, antolatutako hamaika ekimenekin gozatzerik izango dute lezoarrek zein eskualdetik hurbiltzen diren herritarrek. Besteak beste, dantza, gastronomia aukera zabala, musikarien kalejirak, kale animazioa, haur jolasak eta formatu handiko jolas tradizional eta didaktikoak izango dira.
Xanti Val Kultura teknikariak, Lezok historian zehar itsasoarekin izandako harreman estua nabarmendu du azoka aurkezteko gaur goizean Ainhoa Zabalo alkatearekin eta Mikel Arruti Kultura zinegotziarekin batera egindako agerraldian.
Eskualdean itsas ondarearen gaineko lana egiten duten Itsas Gelak eta Donibaneko Albaola Itsas Kultur Erakundeak ere izango dute lekua azokan, Valek gaineratu duenez.
Azokaren ordutegia berriz, ostiralean 17:30etik 21:30era eta larunbata zein igandean, 11:00etatik 14:30era, eta 17:30etik 21:30era izango da.
Zabalok eta Arrutik lezoar guztiak zein eskauldeko herritarrak animatu dituzte azoka ikustera hurbildu eta antolatutako ekimenetan parte hartzera.
