Gutuna: ‘Ezta Kale Nagusian ere’
Emakumeen Kontrako Indarkeriaren Aurkako Nazioarteko egunaren karietara, HITZA egunkarian irakurri nuen Hondarribiko Udalak adierazpen instituzionala onartu zuela eta testuan, indarkeria matxistaren aurkako gaitzespena egiten zuela: “Emakumeengan...
Emakumeen Kontrako Indarkeriaren Aurkako Nazioarteko egunaren karietara, HITZA egunkarian irakurri nuen Hondarribiko Udalak adierazpen instituzionala onartu zuela eta testuan, indarkeria matxistaren aurkako gaitzespena egiten zuela: “Emakumeenganako indarkeriaren kontrako edozein adierazpen gaitzesten dugu, dimentsio orotan ( fisikoa, psikologikoa, sexuala, sinbolikoa…) baita sexismo mota oro ere, arinenak eta normalizatuenak barne”. Emakumeenganako indarkeriak adingabeen artean agertu izana “benetan kezkagarria” dela uste dute.
Pozgarria benetan irakurri nuena; hemendik aurrera Jaizkibel konpainiak, Kale Nagusitik pasatzen denean, ez ditu plastiko beltzak ikusiko, ez ditu aurpegi mozorrotuak ikusiko, ez du isekarik entzungo, hau da, irailaren zortzian emakumeenganako indarkeriaren kontrako erakustaldirik ez dugu gehiago jasango.
Montse Garmendiak, Emeki elkarteko kideak udalari zera eskatzen zion: onartutakoa aurrera eramateko, lan egin dezatela eskatzen zion; ba horixe bera eskatzen diot nik. Onartu duzuena aurrera eraman!
Aurtengo azaroaren 25ean zenbait zinegotzi pankartaren aurrean zeundeten Emeki Elkarteak antolatu zuen ekitaldian. Ea datorren irailaren 8an pankartaren aurrean zaudeten ere.
Maigo Aristizabal
