Itsasaldia jaialdiaren bigarren ekitaldiak badiaren bi aldeak lotuko ditu
Itsasaldia bigarrenez egingo dute Pasaian. Asteburu honetan izango da, larunbatean eta igandean, eta badiaren bi aldeak lotuko ditu. Itsas Gela, Badia Eskola eta Itsas Mendi elkartea aritu dira antolakuntza lanean, udalerriko beste hainbat eragilerekin batera. Jaialdia larunbatean hasiko da, San Pedron. Ekitaldi batean, bertako itsas eragileek euren lana ezagutaraziko dute, “jarduera dibertigarrien bitartez”, antolatzaileek jakinarazi dutenez. Torreatze inguruan izango dira. Bertan izango dira itsasoarekin harremana duten hainbat eragile. Hala, Azti-Tecnaliak lupa eta mikroskopioen bitartez arrainen adina kalkulatzeko teknikak erakutsiko ditu. Kofradiako arrantzaleek, berriz, eguneroko lana ezagutaraziko dute. Itsasontzietan erabiltzen diren korapiloei buruzko ikastaroa emango dute Pasaiako Nautikak zein Arrantza Eskolak. Udalerriko ondare naturala erakusteko txangoa antolatuko du ere Itxas Zerbik. Ondartxo ere jaialdiaren topaleku izango da. Horrela, San Joan galeoiaren maketaren eraketa ikusteko aukera izango da bertan. Jarduera horiek guztiak gutxi balira, beste hainbat gehiago egingo dituzte San Pedron: etxeko arraun taldeak arraunketa izango du hizpide, Dantzaguneak “itsas dantzak”, Portu Agintaritzak bere jardunari buruzko azalpenak emango ditu, eta Buceo Donostik urpekaritza tailerra antolatuko du. Ibilbide horietan parte hartzen dutenen artean, Mater ontzi-museoan “itsas gauak” banatuko dituzte. Itsasoari lotutako jarduerez gain, musika, antzerkia zein haur jolasak egingo dituzte. Gainera, bakailao txapelketa egingo dute, eta pintxoak banatuko dituzte bertara hurbiltzen direnen artean. [...]
Itsasaldia bigarrenez egingo dute Pasaian. Asteburu honetan izango da, larunbatean eta igandean, eta badiaren bi aldeak lotuko ditu. Itsas Gela, Badia Eskola eta Itsas Mendi elkartea aritu dira antolakuntza lanean, udalerriko beste hainbat eragilerekin batera.
Jaialdia larunbatean hasiko da, San Pedron. Ekitaldi batean, bertako itsas eragileek euren lana ezagutaraziko dute, “jarduera dibertigarrien bitartez”, antolatzaileek jakinarazi dutenez. Torreatze inguruan izango dira.
Bertan izango dira itsasoarekin harremana duten hainbat eragile. Hala, Azti-Tecnaliak lupa eta mikroskopioen bitartez arrainen adina kalkulatzeko teknikak erakutsiko ditu. Kofradiako arrantzaleek, berriz, eguneroko lana ezagutaraziko dute.
Itsasontzietan erabiltzen diren korapiloei buruzko ikastaroa emango dute Pasaiako Nautikak zein Arrantza Eskolak. Udalerriko ondare naturala erakusteko txangoa antolatuko du ere Itxas Zerbik.
Ondartxo ere jaialdiaren topaleku izango da. Horrela, San Joan galeoiaren maketaren eraketa ikusteko aukera izango da bertan. Jarduera horiek guztiak gutxi balira, beste hainbat gehiago egingo dituzte San Pedron: etxeko arraun taldeak arraunketa izango du hizpide, Dantzaguneak “itsas dantzak”, Portu Agintaritzak bere jardunari buruzko azalpenak emango ditu, eta Buceo Donostik urpekaritza tailerra antolatuko du.
Ibilbide horietan parte hartzen dutenen artean, Mater ontzi-museoan “itsas gauak” banatuko dituzte.
Itsasoari lotutako jarduerez gain, musika, antzerkia zein haur jolasak egingo dituzte. Gainera, bakailao txapelketa egingo dute, eta pintxoak banatuko dituzte bertara hurbiltzen direnen artean.
Igandean, Donibanen
Igandean, berriz, jaialdiak motora hartuko du, eta badia zeharkatuko du. San Tomas feriarekin bat egingo du, eta baserritarren jaiari itsas ukitua emango diote. Horrela, barrutiko kaleak itsasoko objektuekin apainduko dituzte. Kantaldiak, kalejirak eta, nola ez, txistor jatea izango dira igandean Donibanen.
Itsasoarekin lotutako turismoa sustatzea da jardunaldien helburua, bertako kulturan oinarrituta. Iaz hogei eragilek hartu zuten parte estreinako Itsasaldian.
