Unai Oiartzun irundarrak irabazi du Bordari saria eta Mikel Arruabarrena hondarribiarrak Satarka
Larunbat eguerdian XXIX. Bordari eta Satarka literatura lehiaketen sari banaketa egin zuten udaletxeko areto nagusian. Udaleko euskara saileko arduradunak eta zenbait zinegotzi elkartu ziren bertan, saridunekin, eta epaimahaia osatu duten pertsonekin. Epaimahaia honako hauek osatu dute aurten: Bordari Lehiaketan, Jexux Mari Mendizabal, Mayi Iza, Juan Garzia eta Karlos Zabalak; eta Satarka Lehiaketan, Martin Iturbe, Markox Balentziaga eta Mertxe Mitxelena izan dira. Batean zein bestean, Txomin Sagarzazu Euskarako zinegotziak eta Karmelo Goikoetxea Euskara teknikariak parte hartu dute. Guztira 60 lan aurkeztu dituzte aurten Hondarribiko euskarazko literatur lehiaketetan, 29 ipuin (21 A mailan eta 8 B mailan), eta 31 olerki (24 eta zazpi). Unai Oiartzun kazetaritza ikasle irundarrak irabazi du aurtengo Bordari Literatur Lehiaketa, Sekretua hilobira lanarekin. Bigarren Asier Osinalde geratu da, Lehenengo bezeroa ipuinarekin, eta Ainara Elizondorentzat izan da Hondarribiko lan onenaren saria; Haizea isiltzen denean lana aurkeztu du Elizondok. B mailako sari nagusia Izurdeek badakite dantzan lanarentzat izan da, Laura Gallegok idatzitakoa. Hondarribiko lan onenaren saria ere beretzat izan da. Bigarren Nahia Puente geratu da, Eskubeltz kontakizunarekin. Olerki saria etxean geratu da Mikel Arruabarrenak irabazi du Satarka Olerki Lehiaketako A Maila, Bohemia lanarekin. Etxekoa izanik, Hondarribiko lan onenaren saria ere berarentzat izan da. Izenak izanari zor goiburuko olerkiarekin, Ainara Elizondo [...]
Irudian sarituak, euskara teknikariak, zinegotziak eta epaimahaiko kideak
Larunbat eguerdian XXIX. Bordari eta Satarka literatura lehiaketen sari banaketa egin zuten udaletxeko areto nagusian. Udaleko euskara saileko arduradunak eta zenbait zinegotzi elkartu ziren bertan, saridunekin, eta epaimahaia osatu duten pertsonekin.
Epaimahaia honako hauek osatu dute aurten: Bordari Lehiaketan, Jexux Mari Mendizabal, Mayi Iza, Juan Garzia eta Karlos Zabalak; eta Satarka Lehiaketan, Martin Iturbe, Markox Balentziaga eta Mertxe Mitxelena izan dira. Batean zein bestean, Txomin Sagarzazu Euskarako zinegotziak eta Karmelo Goikoetxea Euskara teknikariak parte hartu dute.
Guztira 60 lan aurkeztu dituzte aurten Hondarribiko euskarazko literatur lehiaketetan, 29 ipuin (21 A mailan eta 8 B mailan), eta 31 olerki (24 eta zazpi).
Unai Oiartzun kazetaritza ikasle irundarrak irabazi du aurtengo Bordari Literatur Lehiaketa, Sekretua hilobira lanarekin. Bigarren Asier Osinalde geratu da, Lehenengo bezeroa ipuinarekin, eta Ainara Elizondorentzat izan da Hondarribiko lan onenaren saria; Haizea isiltzen denean lana aurkeztu du Elizondok.
B mailako sari nagusia Izurdeek badakite dantzan lanarentzat izan da, Laura Gallegok idatzitakoa. Hondarribiko lan onenaren saria ere beretzat izan da. Bigarren Nahia Puente geratu da, Eskubeltz kontakizunarekin.
Olerki saria etxean geratu da
Mikel Arruabarrenak irabazi du Satarka Olerki Lehiaketako A Maila, Bohemia lanarekin. Etxekoa izanik, Hondarribiko lan onenaren saria ere berarentzat izan da. Izenak izanari zor goiburuko olerkiarekin, Ainara Elizondo bigarren geratu da. Elizondok bi sari irabazi ditu, Satarka lehiaketako hondarribiar onenarena eta Bordari sariko bigarrena.
B mailan Garazi Castañok irabazi du, Mozkor baten kantu goibelak lana aurkeztuta. Bigarren Eider Perezen Hanka bat bestearen jarraian geratu da eta Hondarribiko lan txukunena Inge Salaberriak aurkeztu du, Biziaren kontuak koloreztatzen izenekoa.
