Urdaburu Gineatik Subijana artean ibiliko da igandean
Urdaburu mendizale elkarteak mendi irteera antolatu du igande honetarako, martxoak 2, Araban zehar. Hala, Gineatik Subijanara joango dira, Artzaintzaren bidearen barruan.
Arkamo mendizerran zehar ibiliko dira mendizaleak, eta Krutzeta (1.171 metro), Montemayor (1.104 metro) eta Cotorrillo (1.104) igoko dituzte. 19,5 kilometroko ibilbidea izango da, eta 700 metroko gainbehera izango du. Sei orduan egitea espero dute.
Autobusa igandean bertan aterako da, 07:00etan, Iztietako autobus geltokitik.
Izena aurretik eman behar da Urdabururen egoitzan. Aukera bakarra ostegunean egitea da, 20:00etatik 21:30era edo egun eta ordutegi berean 943 52 78 79 telefono zenbakira deitzea.
