400 lagun izan dira Enaitz Iparragirreren aldeko pilota partidan
Atzo Fanderiako pilotalekuan elkartasun partidak izan ziren jokatu zirenak. Bildutako dirua gaixotasun larri bat daukan Enaitz Iparragirre haurrarentzat izan zen, eta antolatzaileek 400 lagun biltzea lortu zuten. Horien arabera, “giro polita” izan zen.
Pilotari ezagunak kantxaratu ziren: Mikel Goñi edo Asier Olaizola, esaterako. Honakoak izan ziren emaitzak. Lau t’erdian Olazabal gailendu zitzaion Jauregiri: 22-20. Eskuz binaka, ordea, Olaizola I eta Aranburu izan ziren onenak Mikel Goñi eta Otxandorenaren kontra: 22-19.
Andoni Agirregomezkortak dinamizatu zuen ekitaldia, eta bost zozketa izan ziren. El Conquistador del fin del Munduko hiru lehiakidek banatu zituzten sariak.
Josetxo Gamio oroitaldian, palistak, txapeldun
Asteburuan jokatutako Oiartzungo Josetxo Gamio oroitaldian, gomazko paletan, Batzokiko bikotea irabazle izan da: Beñat Pagoaga eta Iñaki Leundak Ormazabal eta Goibururi 25-14 irabazi diete.
Herriarteko txapelketa
Ez du Errenteriak ongi hasi Herriarteko txapelketa, eskuz binakakoan. Bergararen kontra 22-2 galdu zuen M. Goikoetxea eta I. Bergarak osatutako bikoteak.
Iñaki Leunda eta Beñat Pagoaga
