Kezkatuta daude San Pedroko kideak. Bai, neguan aldaketak izan dira taldean, tartean entrenatzailearena. Baina San Miguel Ligaren hasieratik sailkapenaren behealdean egotea ez zuten espero, hain behean egotea ez behintzat. Aldaketa horiengatik bazekiten moreek urte latza izango zela, baina zazpi estropada pasatu direnean, desio bakarra dute Libia ontziko kideek: estropada bakoitzean ahalik eta arerio gehiago uztea atzean.
Sanjuandarrak, larunbatean, ziaboga bat ematen
Kezkatuta daude San Pedroko kideak. Bai, neguan aldaketak izan dira taldean, tartean entrenatzailearena. Baina San Miguel Ligaren hasieratik sailkapenaren behealdean egotea ez zuten espero, hain behean egotea ez behintzat. Aldaketa horiengatik bazekiten moreek urte latza izango zela, baina zazpi estropada pasatu direnean, desio bakarra dute
Libia ontziko kideek: estropada bakoitzean ahalik eta arerio gehiago uztea atzean.
Sailkapen nagusian 10. dago San Pedro; efektiboki, 11. azkena den Urdaibaik hamarnaka lortzen dituelako puntuak estropada bakoitzean, eta beheko traineruak gutxi barri aurreratuko dituelako. Hori horrela, San Pedro jaitsiera postuan legoke Bermeoko ontziaren zigorra tartean ez balitz.
Sasoiko lehen poza atzo hartu zuten sanpedrotarrek Orion. Bosgarren izan ziren sailkapen orokorrean, hau da, puntu dezente lortu zituzten, zortzi denera. Eta atzoko estropadak konfiantza eman behar die Hegoi Intxausperen mutilei aurrera egiteko, burutik jaitsieraren kezka kentzeko.
San Juan, eroso
Bien bitartean, eroso dabil San Juan aurten. Lasai. Sailkapen nagusian bosgarren daude arrosak, eta atzoko laugarren postuak hasi duten bideari eusteko argudioak eman dizkie. Onenekin ibili ziren borrokan Orion, konfiantzaz, arraunketa irmoarekin. Jada 43 puntu dituzte sailkapen nagusian, ez dira gehiegi, baina bai nahikoak euren jarduna gauzak ondo egitera bakarrik mugatzera iristeko, atzean edo aurrean nor duten gehiegi begiratu gabe.