Magostoa ospatuko dute Pasaiako galiziarrek, larunbatean
Igandean, itsasoan zendutako arrantzaleak gogoratuko dituzte, eta haien aldeko lore eskaintza izango da Torreatzen.
Fato Cultural Galego elkarteak antolatuta urtero ospatzen dute Trintxerpeko eta San Pedroko galiziarrek Magostoa. Udazkenari ongi etorria emateko gaztaina erre jaia da Magostoa, galiziar kulturan sustrai luzeak dituena. Pasaiako Magostoa larunbatean izango da, Trintxerpeko pilotalekuan, 16:00etatik aurrera. Gaztainak ez ezik, olagarroa, lakoia eta Galiziako bestelako jakin tipikoak dastatzeko aukera izango da.
Igandean (Hilak 16) berriz, itsasoan zendutako marinelak omenduko dituzte San Pedron. Ohitura lege lore eskaintza egingo dute haien alde, Torreatzetik itsasora loreak jaurtita. Aurten Lamiak dantza taldekoek parte hartuko dute omenaldian. 13:00etan hasiko da arrantzaleen aldeko ekitaldia.
Donibanen, ikus-entzunezkoa eta Txirikila Txapelketa
Donibanen ere izango dira Magostoari lotutako jarduerak, Fato Cultural Galegoak eta Bixi-Bixi elkarteak elkarlanean antolatuta. Hilaren 21ean, Errepublikako maistrak dokumentala eskainiko dute Victor Hugo etxean, 19:00etatik aurrea, eta hilaren 22an, berriz VI. Txirikila txapelketa jokatuko dute Donibaneko pilotalekuan, 09:30ean.