Euskal Herri osoan 12.000 saski saldu dira, 151.000 euro bideratuz Nafarroako Erriberako euskalgintzara.
Errigora iniziatibaren barruan, orotara 906 saski saldu dira Oarsoaldean eta Bidasoan. Errigora Nafarroako Erriberako euskalgintza, eta aldi berean bertako jaki eta edari ekoizle txikiei laguntzeko iniziatiba da.
Honako kopuruetan izan dira salmentak, herriz herri:
- Pasaian, 104
- Errenteria-Oreretan, 390
- Lezon, 16
- Oiartzunen, 282
- Hondarribian, 54
- Irunen, 60
Errigorako produktuen sortak saldu diren hirugarren urtea izan da aurtengoa. Euskal Herri mailan saltzen dituzte saskiak. 2012an 1.500 saldu zituzten; iaz, 8.000, eta aurten, 12.000 orotara. Salmenta horren fakturazioa 151.000 eurokoa izan da.
Errigorako kideek salmenten balorazio oan egin dute, eta eskerrak eman dizkiete saskiak erosi dituzten guztiei.
Errenteria-Oreretan, besteren artean, Saretuz proiektua arduratu da saskiak saltzeaz; haiek ere egin dutenaren balorazio positiboa egin dute, eta salmentez gain, herriko hainbat pertsona eta eragile gaiarekin aktibatu egin direla positibotzat eman dute, “denon artean aurten Errigoraren saskiaren salmentaren arrakasta bermatu dugu. Zorionak!”.
