Gaur zortzi inauguratuko dute 12 cm erakusketa, San Pedron
144 artistek landu dituzte artelana, guztira 288 lan, guztiak 12 cm-trokoak; Aurten estreinakoz ikus entzunezko lanak onartu dituzte, guztiak minutu 1 eta 2 segundoko iraupenekoak.
Hilaren 12an inauguratuko dute San Pedroko udal aretoan 12 cm erakustea, hurrengo ostiralean. Askotariko diziplinetako artistak biltzen dituen erakusketa kolektiboa, klasikoa bihurtu da Pasaian Gabonen atarian. 144 artistek parte hartuko dute aurtengoan, eta beraz, erakusketa kolektibo jendetsuenetarikoa izango dela jakinarazi du Pasaiako Udaleko kultura departamentuak.
Urtero legez, orotariko estilo eta tekniketako obrak dira erakusgai jarriko dituztena, eta guzti-guztiak, 288 zehazki, 12 cm-koak. Aurten, gainera, bada berritasun bat. Lehen aldiz ikus-entzuneko obrak onartu dituzte, eta bestelako artelanetan tamaina mugatu bezala, irudia oinarr
i duten artelanetan ere iraupena mugatu dute. Ikus-entzunezko lan guztiek minutu bat eta bi segundoko iraupena izango dute.
Pasaian urtarrilaren 11 bitartean egongo da erakusketa, eta ondoren Hendaiara eramango dute, otsailaren 24tik martxoaren 14ra. Inaugurazioa, 19:30ean izango da hilaren 12an, eta ordutegia ondokoa: astelehenetik larunbatera 19:00etatik 21:00etara, eta igande eta jai egunetan, 12:00etatik 14:00etara.