eLiburutegi zerbitzuarekin bat egingo du Errenteriako Udal Liburutegiak
Hainbat klasiko eta liburutegien elkarteak egindako hautaketatik e-liburuak irakurtzeko aukera izango da. Gainera, osasunari buruzko hitzaldi ziklo bat antolatu dute, Gipuzkoako Sendagaigileen Elkartearekin elkarlanean.
Irakurketa euskarri digitaletan egiteko aukera izango da hemendik aurrera. Horrela, ikastaroak egingo dituzte liburutegian aplikazioa nola jaitsi eta erabili ikasteko. Urtarrilaren 7, 8 eta 9an 12:00etan izango dira, eta hil horren 7 eta 8an 18:00etan. Sare horri batuta, hainbat klasiko eta liburutegien elkarteak egindako hautaketatik e-liburuak irakurtzeko aukera izango da.
‘Osasuntsu bizi’ zikloa
Udal liburutegiak hitzaldi ziklo bat antolatu du urteko lehen lau hilabeteetako bigarren astearteetan. Osasunari buruzkoa izango da, eta Gipuzkoako Sendagaigileen Elkartearekin elkarlanean antolatu dute zikloa. Mari Jose Pascual liburuzainak azaldu duenez, hitzaldien helburua Errenteria-Oreretako bazkide eta herritarrek liburutegian bertan informazio praktikoa
a lortzeko gune bat izatea da. Honakoak izango dira hitzaldiak:
Udaleko, liburutegiko eta sendagaigileen ordezkariek hitzaldi zikloa aurkeztu dute
- Urtarrilak 12: Sendagaiak ongi erabiltzeko hitzaldia: etxeko botikinak zer duki behar duen, iraungitako edo soberan dauden sendagaien birziklatzea. Nola jarri kolirioa, sudur tantak edo supositorioak. Zatittu edo murtxikatu gabe hartu behar diren sendagaiak. Pages farmaziaren esku (gazteleraz).
- Otsailak 9: Bizimodu osasuntsua izateko aholkuak: zer da dieta orekatua, jarduera fisikoa, tabakoa, alkohola eta drogak ekidin. Iturbe farmaziaren eskutik (euskaraz).
- Martxoak 9: Haurtzaroari buruzko galdera ohikoenak: elikadura, zorriak… Irigoyen farmaziaren eskutik (euskaraz). Haurtzaindegi zerbitzua egongo da.
- Apirilak 13:Gaixotasun kronikoeetan aholku dietetikoak: diabetesa, hiertentsioa, hiperkolesterolemia… Cobreros farmaziaren eskutik (gazteleraz).
