Koldo Mitxelenako jolastokia irekia izango da eskola ordutik kanpora
Astelehenetik ostiralera, 17:00etatik 21:00etara egongo da zabalik, eskolaz kanpoko jarduerak ez daudenean, eta larunbat, igande eta jai egunetan 09:00etatik 21:00etara. Udan berritu zuten ikastetxeko jolastokia eta estaldura aldatu zioten.
Koldo Mitxelena ikastetxeko jolaslekua eremu publikoa izango da aurrerantzean. Ez da denbora asko jolastokia berritu dutela eta estaldura aldatu diotela, eta berrikuntza horiek herritar guztiei zabaltzea erabaki du Errenteriako Udalak. Noski, eskola ordutik kanpora irekiko dute eremu hori, astelehenetik ostiralera, 17:00etatik 21:00etara egongo da zabalik, eskolaz kanpoko jarduerak ez daudenean, eta larunbat, igande eta jai egunetan 09:00etatik 21:00etara.
Irailean inauguratu zuten Koldo Mitxelenako jolasleku berritua. Udal teknikariek idatzi uten proiektua martxoan eta uda garaian eraiki zuten estaldura, 302.307 euroko aurrekontuarekin. Sabaiko egiturarako egur laminatua erabili zuten nagusiki, eta estaldurarako polikarbonato zaharrargitsua.
Udalak adierazi duenez, ondoko plazarekin uztartuko litzatekeen zonaldea izatea nahi zuten: “Asmoa eraikin arina egitea izan da, irudi organikoak erabiliz Fernandez de Landa plazaren luzapena lortzeko. Kolorearen erabilpenak eta zuhaitz itxurako xehetasunek ukitu berezia ematen diote, baina eraikina bera ez da bertakoentzako arrotza egin”.
