Antzerkia, zirkua, musika eta papera nahastuko ditu 'Plecs' ikuskizunak
Ostiralean, 18:00etatik aurrera, Enfila’t: Caer, TNC eta Cir-que o!–Pirineos de Circok ekoitzitako lana oholtzaratuko dute Niessenen.
Obran, lau pertsonaiak elkarrekin topo egiten dute eta elkarrengandik banantzen dira paperezko eszenatoki batean. Partiturari jarraitzen ahalegintzen dira, soka, tekla, hodi eta guraizeen artean; eta orduan hondoko oihaletik, isiltasunetik, gailua, eszenatokian zehar amiltzen da, oldarkor. Arrisku handiz kulunkatzen da eta akrobatak gainetik dantzatzen dira, eta biratu, tolestu eta zabaldu egiten dira eta desoreka gehiagotzen diote… desorekari.
Sarrerak lau euro balio ditu, eta gaur eta etzi 18:00etatik 20:00etara eskura daitezke kulturguneko leihatilan. Bihar, 11:00etatik 13:00etara eros daitezke, eta ostiralean bertan saioa hasi baino ordubete lehenago.
