Luparako dokumentalak aurkezteko epea zabaldu dute
Banda Bat eta Mikelazulo elkarteek dokumentalen mostraren zortzigarren ekitaldia antolatu dute apirilaren 2aren eta 5aren artean. Ohi bezala, Donostian eta Errenteria-Oreretan egingo dute film jaialdia. Jada dokumentalak aurkez daitezke, otsailaren 16ra arte.
Banda Bat eta Mikelazulo elkarteek dokumentalen mostraren zortzigarren ekitaldia antolatu dute apirilaren 2aren eta 5aren artean. Ohi bezala, Donostian eta Errenteria-Oreretan egingo dute film jaialdia. Jada dokumentalak aurkez daitezke, otsailaren 16ra arte. Honakoak izango dira oinarriak:
- Lupa 2015 dokumentalen mostra erakustaldi ez konpetitiboa da. Ekimenaren xedea azken urtetan egindako lan dokumentalen mostra bat izatea da, helburu konpetitiborik gabe.
- Lupa, mostra bat izateaz gain, dokumentalgileen topaketa bat da. Sortzaileek elkar ezagutzeko leku bat izan nahi du, bertan sorkuntza, ekoizpen edo difusioari buruz hitz egin dezaten.
- Lupako antolakuntzak bereziki nabarmenduko du sortzaileen parte hartzea.
- Ez fikzioaren barruan sar dezakegun edozein lan onartuko da.
- Edozein iraupeneko lanak onartuko dira (film laburrak, iraupen ertainekoak edo luzeak).
- Aurkeztutako lanak euskara edo gazteleraz ez badaude, hizkuntza horietako baten azpitituluak eduki beharko dituzte.
- Parte hartzaileek honako materiala bidali beharko dute lupafest@gmail.com helbidera:
- Lana deskargatu edo online ikusteko lotura bat (iraungitze datarik gabe, hobeto).
- Lanaren sinopsia eta fitxa tekniko bat.
- Lanaren argazki bat.
- Kontaktua (helbide elektronikoa eta telefonoa).
- Parte hartzaileek materiala 2015eko otsailaren 16a baino lehen bidali beharko dute.
- Antolakuntza parte hartzaileekin jarriko da kontaktuan, lanen aukeraketa prozesuari buruzko xehetasunak kontatzen joateko, lana hautatua izan ala ez.
