Fanderiako IX. haurren krosa egingo dute igandean
Lasterketa 12:00etan hasiko da, auzoko kaleetan zehar, eta bost kategoria izango dira bertan, 1999 urtetik 2008 urtera jaiotako haurrenak. Izena ematea 11:00etan hasiko da.
Fanderiako Erdiko Erreka auzo elkarteak antolatu du haurrentzako krosa, Udal Kirol Patronatuaren eta Errenteriako Atletismo Taldearen laguntzarekin. Lasterketa 12:00etan hasiko da, auzoko kaleetan zehar, eta bost kategoria izango dira bertan.
Aurrebenjaminek, 2007 eta 2008an jaiotakoek, 510 metro egin beharko dituzte, benjaminek —2005 eta 2006an jaiotakoek— bezain beste. 2003 eta 2004an jaiotako kimuek 840 metro egingo dituzte, Haur Mailakoek —2001 eta 2002 urtekoek— 1.350 metro eta kadeteek 1.680 —1999 eta 2000n jaiotakoek—.
San Silbestren parte hartu zuten haurrek dortsal berbera erabili ahal izango dute. Hori bai, gainontzeko haurrek bezala, 11:00etatik aurrera eman beharko dute izena. Sariak 13:00ak inguruan banatuko dituzte. Iazko parte hartzea —236 ume— gainditu nahi dute.
