Don Bosco ikastetxeak eta Oarsoaldea garapen agentziak hitzarmena sinatu dute gaur, enpresek inprimagailuen teknologia erabil dezaten. Enpresek jada izena eman dezakete teknologia mota hori erabiltzeko. Horrez gain, eta otsailean eta ekainean izango dira 45 orduko ikastaroak, doan.
Don Bosco ikastetxeak eta Oarsoaldea garapen agentziak hitzarmena sinatu dute gaur, enpresek inprimagailuen teknologia erabil dezaten. Enpresek jada izena eman dezakete teknologia mota hori erabiltzeko. Horrez gain, eta otsailean eta ekainean izango dira 45 orduko ikastaroak, doan.
![Ikaslab gelako inprimagailuak erabil ditzakete enpresek](http://oarsobidasoa.hitza.info/files/2015/01/IMG_5996-300x199.jpg)
Ikaslab gelako inprimagailuak erabil ditzakete enpresek
Nicolas Sagarzazu Don Boscoko zuzendariak azaldu duenez, ikasturte honetan zehar 3D inprimagailuen teknologia eskainiko diete enpresei. Horrela, ikastetxeko Ikaslab gelan dauden zazpi inprimagailuak eta bi eskanerrak erabil ditzakete, prototipoak, probak eta abar egiteko. Tknikako inprimagailu profesionalak ere erabil ditzakete, Don Boscokoez gain. Gainera, aholkularitza zerbitzua eskainiko diete teknologia horri buruz. Azkenik, Sagarzazuk gogorarazi du Don Boscok 3D teknologian adituak diren ikasleak formatzen dituztela, eta praktikak egin ditzaketela enpresetan. Azaldu duenez, enpresek makina horiekin proba egitea da helburua, inbertitu baino lehen ezagutu dezaten, edo inbertitzeko beldur hori kentzeko.
“Euskal Herrian, lehenak”
Garapen Agentziako kudeatzaile Fernando Nebredak adierazi duenez, Oarsoaldeak eskualdearen garapen jasangarria sustatu nahi du, “eta horregatik ekimen hau babestu nahi du, eskualdean lanpostu kalifikatuak sortu, teknologia berriak bultzatu eta eskualdean dauden enpresen lehiakortasuna hobetu dezakeelako”.
Gaineratu duenez, “pozik” daude zerbitzu hori eskualdean martxa jartzeaz. “Hemen dago 3D inprimagailuak egiten dituen Euskal Herriko lehenengo enpresa, eta bakarra oraingoz”, esan du. Teknologia mota horren zabalkundea martxan dagoela jakinarazi du. Horretarako Ikaslabeko arduradunekin jarri behar dira harremanetan, honako e-posta helbideetan:
jc.lizarbe@fpdonbosco.com eta
a.celaya@fpdonbosco.com.